"მანჩესტერ იუნაიტედის" თავდამსხმელი რობინ ვან პერსი შესაძლოა თავის გუნდს ჩემპიონთა ლიგის უმნიშვნელოვანესი ეტაპის დროს ვერ დაეხმაროს . მაგრამ, ამ საქმესთან დაკავშირებით სერ ალექს ფერგიუსონი ოპტიმისტურადაა განწყობილი. ჰოლანდიელი ფორვარდის დაზიანება შესაძლოა ძალზედ მძიმე აღმოჩნდეს.
შეგახსენებთ, ვან პერსი პრემიერლიგის 27–ე ტურში "ქპრ"-ს წინააღმდეგ დაშავდა, მან ბრაზილიელი მეკარის კარისკენ დაარტყა, თავი ვერ შეიკავა და კამერას ცუდად შეეჯახა. მწვრთნელმა არ გარისკა მისი მოედანზე დატოვება და იგი პირველი ნახევრის დასრულებამდე დენი უელბეკით შეცვალა.
ამ ეტაპზე, ჩემპიონთა ლიგის 1/8 ფინალის შეხვედრაში მადრიდის "რეალის" წინააღმდეგ 5 მარტს ვან პერსის მინდორზე გამოსვლა კითხვის ნიშნის ქვეშაა. არსებობს საშიშროება, რომ ჰოლანდიელმა მიღებული ტრავმა 10 დღეში ვერ მოიმუშაოს.