ოლე გუნარ სოლსკიაერმა ისაუბრა მარკუს რაშფორდის მდგომარეობაზე, რომელიც აგრძელებს გამოჯანმრთელებას ზურგის სერიოზული ტრავმისგან.
ბოლო სკანირების მონაცემები საკმაოდ პოზიტიური იყო, მაგრამ ჩვენ მას მივცემთ საჭირო დროს. რა თქმა უნდა, მას სწრაფად სურს დაბრუნდეს, მაგრამ რამდენიმე თვე არის საჭირო, რომ იგი სრულფასოვნად დაუბრუნდეს მოედანს. ჩვენ არ შეგვიძლია პროცესების დაჩქარება, მაგრამ როდესაც ის დაბრუნდება, კიდევ უფრო ძლიერი იქნება და ეს იქნება დიდი შემართება მთელი გუნდისთვის
ოლემა თქვა, რომ იმის მიუხედავად, რომ რაშფორდს 15 იანვარიდან არ უთამაშია, იგი გუნდთან ერთად იმყოფება.
ის ყოველდღიურად ვარჯიშზე იმყოფება, ყოველთვის ჩვენთან არის. ის ჩვენთან ერთად იყო ხუთშაბათს, ბიჭებთან მივიდა თამაშის დაწყებამდე და შემდეგ შესვენების დროს. მას ნამდვილად სურს, რომ ბიჭებმა წარმატებას მიაღწიონ, ისე რომ დაბრუნების შემდეგ მას შეეძლოს თამაში ევროპულ მატჩებში. იმედი მაქვს, რომ წარმატებას მივაღწევთ FA თასზე, ასე რომ მარკუსს სურს იყოს ჩემთან ერთად ამ ტურნირების ბოლო ეტაპზე.
მისი ცხოვრება "მანჩესტერ იუნაიტედია”. ის მოდის აკადემიის მატჩების საყურებლად, სადაც მისი ძმისშვილი თამაშობს, ის მუდმივად ბაზაზეა. პარასკევს კი ვარჯიშის შემდეგ გუნდის თამაშის საყურებლად გაემგზავრა. ეს, რა თქმა უნდა იწვევს დიდი ოჯახის სრულ განცდას, რაც კლუბში გვინდა ვიხილოთ. მარკუსი ამ სეზონში მოედანზე ერთ-ერთი მთავარი მოთამაშე იყო, ის ჩვენთან ერთად არის, მიუხედავად იმისა, რომ მოედანზე არ შეუძლია გასვლა. ეს ძალიან მნიშვნელოვანია გუნდისთვის- დაასრულა სოლსკიაერმა.