"პრემიერ ლიგის" მომდევნო ტურში, კვირას პირველ მარტს, "მანჩესტერ იუნაიტედი" ზედიზედ მესამე გამარჯვების მოსაპოვაბლად "ლივერპულში" მიემგზავრება, სადაც გუდისონ პარკზე "ევერტონს" დაუპირისპირდება.

დავიდ დე ხეა, ჰარი მაგუაიერი და მისი კოლეგები ზედიზედ მეოთხედ ეცდებიან კარი მშრალად შეინახონ. ნულოვანი ფრის შემდეგ "ვულვზის" წინააღმდეგ წითლებმა ორი უმნიშვნელოვანესი გამარჯვება მოიპოვეს "ჩელსისა" და "უოტფორდის" წინააღმდეგ.

ეს დიდი დღეა ოლე გუნარ სოლსკიაერისთვის, რომელიც 100 პროცენტით დარწმუნებულია, რომ მისი პროგრესული გუნდი უკეთესი იქნება, ვიდრე 2019 წლის აპრილში ვიზიტის დროს, როდესაც "მანჩესტერი" ხმაურიანად დამარცხდა ანგარიშით 4: 0 უკანასკნელი მატჩი კი გასული წლის დეკემბერში "ოლდ ტრაფორდზე" გაიმართა, სადაც ლინდელოფის ავტოგოლს, მეისონ გრინვუდის გოლი მოჰყვა და საბოლო ანგარიში 1-1 დაფიქსირდა.

მერსისაიდულ კლუბში ლეგენდარული მწვრთნელის, კარლო ანჩელოტის მოსვლასთან ერთად, "ევერტონმა" მოუმატა, მიუხედავად იმისა, რომ ისინი გასულ კვირას ლონდონში, ემირეიტზე მიკელ არტეტას "არსენალთან" დამარცხდენ.

ვინ არის შეხვედრის არბიტრი?

კრის კავანა, რომელიც მანჩესტერში დაიბადა, განსჯის კვირას გასამართ მატჩს. ამ სეზონში, კავანამ "მანჩესტერის" ორი შეხვედრა იმსაჯა, ნოემბერში სტუმრად "ბორნმუთთან" და საახალწლო დღეებში ასევე გასვლაზე "არსენალთან", ორივე შემთხვევაში წითლები დამარცხდენენ. დამხმარე მსაჯები იქნებიან ლი ბეთსი და კონსტანტინ ჰაზიდაკისი, ხოლო მეოთხე არბიტრი კრეიგ პოუსონი. ჯონათან მოსი და ედი სმარტი ვიდეო რეფერის ამპლუაში.


"იუნაიტედს" შანსი აქვს ამ კვირაში მოიპოვოს უპირატესობა ოთხ უახლოეს მდევართან "ჩემპიონთა ლიგის" საგზურითვის. "არსენალისა" და "შეფილდ იუნაიტედის" მატჩები გადაიდო, რადგან მათი მეტოქეები "მანჩესტერ სიტი" და "ასტონ ვილა" კვირას კარაბაოს თასის ფინალში დაუპირისპირდებიან, ხოლო "ტოტენჰემი" და "ვულვზი" ერთმანეთში გარანტირებულად დაკარგავენ ქულებს. "ჩელსი", რომელიც ჯერჯერობით მეოთხე ადგილზე იმყოფება სტუმრად "ბორნმუთს" დაუპირისპირდება. ეს უკანასკნელი გავარდნის ერთერთი კანდიდატია და არც თუ ისე კარგ ფორმაში მყოფ "ჩელსისთან" ეცდება პოზიციის გამყარებას.


https://www.manutd.com/en