"მანჩესტერ იუნაიტედში" სადებიუტო გოლის შემდეგ, ოდიონ იგალომ აჩვენა მაისური კამერას, რომელიც მას "იუნაიტედის" ფორმის ქვეშ ქონდა მოთავსებული და რომელზეც მისი დის პორტრეტი იყო გამოსახული. კლუბის ნიგერიელმა ფორვარდმა თქვა, რომ მისი და გარდაიცვალა გასული წლის დეკემბერში და ის ყველა გატანილ გოლს მას მიუძღვნის.
"დიახ, ეს გოლი მივუძღვენი ჩემს გარდაცვლილ დას, დეკემბერის თვეში დავკარგე ის. ჩემთვის ძალიან ძვირფასი იყო და ისიც, "იუნაიტედის" ერთგული გულშემატკივარი. ჩვენ ვიმედოვნებდით, რომ ერთ დღეს ეს მოხდებოდა და ჩვენი საყვარელი კლუბის მაისურით გავიტანდი გოლს, მაგრამ გუშინ ის აქ არ იყო, მან ვერ ნახა. აქედან გამომდინარე, მე დავპირდი, რომ ყველა გოლს მას მივუძღვნიდი. დარწმუნებული ვარ, რომ იგი მე მიყურებს და საუკეთესოს მისურვებს".