ბრუნო ფერნანდეშმა "მანჩესტერ იუნაიტედის" მაისურით გატანილი პირველი გოლი აღწერა, როგორც ახდენილი ოცნება "ოლდ ტრაფორდზე" "უოტფორდთან" 3-0 გამარჯვების შემდეგ.
პორტუგალიელმა ნახევარმცველმა "წითლებს" თერთმეტმერიანი მოუტანა, თავად შეასრულა და მატჩში ანგარიში გახსნა ტაიმის დასრულებამდე სამიოდე წუთით ადრე, თუმცა ბრუნოს მონაგარი მხოლოდ გოლი როდია, მისი პასის შემდეგ მარსიალმა მეორე ცდაზე ეფექტური გოლით მასპინძლების უპირატესობა ორამდე გაზარდა და ბოლოს შედეგიანი გადაცემა გრინვუდის მისამართით.
ეს კვირა პორტუგალიელისთვის წარმატებულია. მან გასულ ორშაბათს "ჩელსისთან" მატჩში კუთხურიდან ჰარი მაგუაიერსაც გაატანინა.
ეს საოცარი გრძნობაა, - განუცხადა MUTV– ს თამაშის შემდეგ. ეს კიდევ ერთი ახდენილი ოცნებაა. ეს ბოლო რამდენიმე კვირა უბრალოდ საოცარი იყო ჩემთვის და გუნდისთვის. "ვულვზთან" დასრულებული ფრის შემდეგ, ჩვენ გავიმარჯვეთ მნიშვნელოვან თამაშსი "ჩელსის" წინააღმდეგ სტუმრად, ასევე დღეს დავამარცხეთ "უოტფორდი" და მოვიპოვეთ სამი ქულა. ძალიან მიხარია, რომ სატურნირო ცხრილში ზემოთ მივიწევთ.
ბედნიერი ვარ - დასძინა მან. ჩემი ოჯახი პარასკევს ჩამოფრინდა, მათ იდეალური დრო შეარჩიეს და ჩემი პირველი გოლი იხილეს ტრიბუნიდან.
ფერნანდეშის მიერ გატანილი პენალტი საკმაოდ უჩვეულო იყო თუმცა მან დამაჯერებლად შეასრულა. ბრუნოსთვის ეს მე-13 თერთმეტმეტრიანია, ბოლოს მან 2016 წელს უდინეზეს მაისურით ნაპოლის ვერ გაუტანა, მას შემდეგ უშეცდომოა. როგორც წესი პენალტს ასე ვურტყავ, მაგრამ ზოგჯერ სტილს ვცვლი მრავალფეროვნებისთვის. დღეს, მე თავდაჯერებული ვიყავი, რომ ასე გამესროლა, დარტყმაც ეფექტური გამოვიდა - თქვა მან.
ფერნანდესი პოპულარული გახდა მას შემდეგ რაც იანვარში სპორტინგიდან მისი ტრანსფერი დადასტურდა. ქომაგები დიდი ოვაციებით ამხნევებდნენ მას სადებიუტო შეხვედრაში, ასევე შეძახილებით - "ბრუნო, ბრუნო" მთელი მატჩის განმავლობაში.
ატმოსფერო ფანტასტიურია, გულშემატკივრები ძალინ დიდ ენერგიას მაძლევენ და თავდაჯერებულს მხდიან, რათა თავი ბედნიერად ვიგრძნო და ლაღად ვითამაშო, ასევე რათქმაუნდა თანაგუნდელები მოედანზე, რომლებიც მენდობიან და მაძლიერებენ, ეს ჩემთვის ძალიან მნიშვნელოვანია
ბრუნოს ასევე ჰკითხეს მეისონ გრინვუდზე, რომელმაც ფანტასტიური გოლი გაიტანა შორეული დარტყმით მატჩის დასრულებამდე 15 წუთით ადრე. პორტუგალიელი თვლის, 18 წლის ფეხბურთელს ყველაფერი აქვს იმისთვის, რომ ტოპ ფეხბურთელი გახდეს.
მეისონს უამრავი კარგი თვისება აქვს, ჯერ ახალგაზრდაა, ის უფრო და უფრო უნდა განვითარდეს, იმ თავდაჯერებულობით რაც მას გააჩნია და ნდობით რაც მის მიმართ გუნდში გაგვაჩნია მას შეუძლია გახდეს ძალიან კარგი მოთამაშე-დაასრულა ფენრდანდეშმა.
ინტერვიუები
7 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.