"იუნაიტედის" მცველი კრის სმოლინგი, რომელიც "რომაში" იჯარის წესით იმყოფება, იმედოვნებს, რომ მიმდინარე სეზონის დასრულების შემდეგაც შეძლებს იტალიაში დარჩენას.
სმოლინგი ამბობს,რომ სურს თავისი წვლილი შეიტანოს გუნდის წარმატებაში. ის არის ამბიცირი ფეხბურთელი და თუ ექნება "რომას" სურვილი,მაშინ შესაძლებელია განხორციელდეს მოლაპარაკება მისი გუნდში დარჩენის თაობაზე. ციტირებს BBC SPORT-ი სმოლინგის სიტყვებს.
"მე უფრო მეტად კმაყოფილი ვიყავი სეზონის პირველი ნახევრით. როდესაც აქ ჩამოვედი, ჩემი მთავარი პრიორიტეტი იყო ფეხბურთი. ახლა ჩემი ოჯახიც ძალიან კომფორტულად გრძნობს თავს, ვსწავლობ ენას და ვტკბები ამ ქალაქის კულტურით. მე და ჩემი ოჯახი შევეცდებით აქ ყოფნის შესაძლებლობა მაქსიმალურად გამოვიყენოთ."
ამ სეზონში სმოლინგმა 34 მატჩი ჩაატარა და 1 გოლი გაიტანა.