მოგეხსენებათ, "ლაიფციგის" შემტევის შედეგიანმა თამაშმა ბევრი ტობ კლუბის ყურადღება მიიპყრო. ამჟამად ფავორიტად "ლივერპული" მიიჩნევა, რადგან ვერნერს იურგენ კლოპთან თანამშრომლობის სურვილი აქვს. ყოფილ "ლივერპულის" ნახევარმცველს, დიტმარ ჰამანს, მიაჩნია რომ ტიმოსთვის უკეთესი იქნება თუ ის "იუნაიტედში" ან "ჩელსიში" გადავა.
''მჯერა, რომ ის მალე დიდ გუნდში ითამაშებს. რა თქმა უნდა დიდი პატივია მისთვის, რომ მას ლივერპულს უკავშირებენ. მაგრამ ისმის კითხვა: როგორ მოერგება ის "ლივერპულს"? თუ ვერნერი "ლივერპულში" წავა, მას უფრო ხშირად სკამზე ვიხილავთ, რადგან რთული იქნება მათი შემტევი ტრიოდან რომელიმე ფეხბურთელის ამოგდება და ის სათამაშო დროს მხოლოდ მათი ტრამვისას მიიღებს, რაც არა მგონია, სურდეს.
"ლივერპული" დიდებული კლუბია, მაგრამ ვფიქრობ, მისთვის უკეთესი იქნებოდა თუ "მანჩესტერ იუნაიტედში" ან "ჩელსიში" გადავიდოდა." - ციტირებს მის სიტყვებს Goal.com.
შეგახსენებთ, რომ ახალგაზრდა შემტევმა, ამ სეზონზე, 42 თამაშში 28 გოლი გაიტანა და 8 საგოლე გადაცემა გააკეთა.