ხუან მატას სჯერა, რომ "მანჩესტერ იუნაიტედს" შეუძლია გადალახოს "ბრიუგეს" ბარიერი სტუმრად მოპოვებული გატანილი გოლის უპირატესობით და ევროპა ლიგის 1/8 ფინალში გავიდეს.

ენტონი მარსიალის პირველ ტაიმში გატანილი გამათანაბრებელი გოლით ოლე გუნარ სოლსკიაერის გუნდი შემდეგ ხუთშაბათს ოლდ ტრაფორდზე გასამართ მატჩს უპირატესობით ხვდება, ხუან მატა კი დარწმუნებულია რომ საშინაო კედლებში მისი კლუბი შემდეგ ეტაპზე გასვლას მოახერხებს.

"ჩვენ გვჯერა, რომ შეგვიძლია სახლში გავიმარჯვოთ და ბარიერი გადავლახოთ", ამობს იგი MUTV-თან საუბრისას. "ჩვენ ვაფასებთ "ბრიუგეს", ისინი კარგად თამაშობენ საკუთარ ლიგაში და მათი მწვრთნელიც ძალიან კარგია".

"ისინი უკნიდან თამაშობენ, მათი რიგების დაშლა რთულია, ამიტომ შევეცდებით, რომ თამაშზე კონტროლი მოვიპოვოთ და რაც შეიძლება მცირე რაოდენობით გავუშვათ კონტრშეტევები, რადგან მათ წინ სწრაფი მოთამაშეები ჰყავთ, როგორც დღეს გამოჩნდა. ვიმედოვნებ, რომ ჩვენს შანსებს გოლებად გარდაქმნით და შემდეგ ეტაპზე გავალთ".

"ბრიუგემ" ხუთშაბათის მატჩის ანგარიში მალევე გახსნა, ემანუელ დენისს 15 წუთი დასჭირდა მანჩესტერელთა კარების ასაღებად. თუმცა, მატა თვლის რომ მარსიალის გოლმა გამარჯვებასთან "მანჩესტერ იუნაიტედი" უფრო მიაახლოვა.

"ვფიქრობ, რომ მეორე ტაიმში ჩვენ უკეთ გამოვიყურებოდით. ჩვენ მათ ნახევარზე უფრო მეტად ვმოქმედებდით და გვქონდა შანსები გაგვეტანა მეორე გოლიც - გვქონდა მომენტი ბრენდონ უილიამსის მონაწილეობით, ასევე ენტონი მარსიალის დარტყმული ძელს მოხვდა".

"მათ გაიტანეს გოლი, რომელიც რეალურად არ უნდა გაგვეშვა და ჩვენი გოლიც მათ შეცდომას მოჰყვა. ჩვენ გამარჯვება გვსურდა, მაგრამ მატჩი 1-1 დასრულდა, რომელიც სულაც არ არის ცუდი შედეგი".

მატას თანაგუნდელი, ვიქტორ ლინდელოფიც უკმაყოფილო იყო გაშვებული გოლის დროს გამოჩენილი დაუდევრობით, მაგრამ ისიც თვლის, რომ "იუნაიტედს" შედარებით მყარი პოზიცია აქვს, ვიდრე ბელგიელებს, რათა შემდეგ ეტაპზე გასვლა შეძლონ.

"ეს ფეხბურთია, ასე ხდება, მაგრამ, რა თქმა უნდა, ასეთი გოლი არ უნდა გაგვეშვა. მაგრამ ჩვენ სტუმრად გატანილი გოლი გვაქვს, რომელიც ევროპულ მატჩებში დიდ როლს ატარებს".

"დღეს, დროის გარკვეულ მონაკვეთში ჩვენს მოწინააღმდეგეს შევთავაზეთ ხარისხი, რომელიც ჩვენ გაგვაჩნია და როდესაც მათ საშინაო კედლებში დავუპირისპირდებით, ვაპირებთ რომ უკეთესად ვითამაშოთ".

https://www.manutd.com/