ოლე გუნარ სოლსკიაერი ევროპის ლიგის ბურთს აკრიტიკებს და ამბობს, რომ ფეხბურთელებს ისედაც სათამაშოდ შეუსაბამო პირობები კიდევ უფრო დაუმძიმა და საბოლოო შედეგიც ნაწილობრივ ამ მიზეზებმა გამოიწვია.

წითელი ეშმაკები "ბრიუგეს" ოლდ ტრაფორდზე სტუმრად გატანილი ბურთის უპირატესობით დახვდებიან და ეს ყველაფერი ენტონი მარსიალის დამსახურებაა, რომელმაც მოწინააღმდეგე გუნდის მოთამაშის შეცდომით ისარგებლა და ემანუელ დენისის ანგარიშის გამხსნელი გოლი გააბათილა.

"იუნაიტედი" მატჩში შეტევით პოტენციალს თითქმის ვერ ავლენდა და საკუთარ ნახევარზეც ბევრი დაუდევარი მოქმედებით გამოირჩეოდა, ხოლო ეს ყველაფერი სოლსკიაერმა წვიმიან და ქარიან ამინდსა და უცნაურ, რთულად სათამაშო ბურთს მიაწერა.

როდესაც მატჩის შეფასება სთხოვეს, მან თქვა:

"დაუდევრობას და დაბალ კონცეტრაციას სტადიონის და ამინდის მდგომარეობა ემატებოდა, ხოლო ბურთი თამაშს კიდევ უფრო ართულებდა. ვფიქრობ, თუ ნებისმიერ მოთამაშეს შეეკითხებით, გეტყვიან რომ როდესაც ფეხბურთის თამაში გსურთ, ეს კონდიციები ყველანაირად შეგიშლიან ხელს".

როდესაც ბურთთან დაკავშირებით ჩაეძნიენ, სოლსკიაერმა ახსნა სცადა:
"ის უბრალოდ სხვანაირია, და ასევე მისით თამაში რთულია. უბრალოდ თავად სცადეთ და დარწმუნდებით. რა თქმა უნდა, ორივე გუნდზე ეს ყველაფერი ერთნაირად მოქმედებს, მაგრამ პირობები ნამდვილად არ იყოს სასიამოვნო, წვიმა და ქარი ცუდი კომბინაციაა. ორივე გუნდმა უცნაური გოლი გაიტანა, რაც თითოეული მათგანის დაბალმა კონცეტრაციამ გამოიწვია".

აღსანიშნავია "ბრიუგეს" მწვრთნელის, ფილიპ კლემენტის კომენტარი, რომელიც არ დაეთანხმა სოლსკიაერს:

"ჩვენ ბურთებს უეფა გვაწვდის, ასე რომ ისინი ჩვენ არ გვეკუთვნის და არც ჩვენ ვამზადებთ. ევროპის ლიგის მატჩებში ერთი და იგივე ბურთებს იყენებენ, ამიტომ მე პრობლემას ვერ ვხედავ".

საინტერესოა ისიც, რომ ამ ბურთებს ევროპა ლიგის მიმდინარე სეზონის მთელი ჯგუფური ეტაპის მანძილზე იყენებდნენ, ამიტომ ლოგიკური გაგვიჩნდეს კითხვა, თუ რატომ ვერ შეამჩნია სოლსკიაერმა ამ მოდელის უცნაურობა და განსაკუთრებულობა?!

წყარო: metro.co.uk