პოლ მერსონს სჯერა, რომ დროა ოლე გუნარ სოლსკიაერმა დენიელ ჯეიმსი პირველი გუნდიდან "მოკვეთოს".
უელსელი გარემარბი "მანჩესტერ იუნაიტედს" ზაფხულში შეუერთდა "სუონსიდან" და კლუბის ცხოვრებაში კონტრაქტის გაფორმებიდანვე აქტიურად ჩაება. იგი თავიდანვე ხშირად ხვდებოდა ძირითად თერთმეტეულში და პრემიერ ლიგის 25 მატჩში უკვე 3 გოლი და 6 საგოლე გადაცემა მოუგროვდა.
თუმცა, არსენალის ყოფილი ვარსკვლავი პოლ მერსონი თვლის, რომ ჯეიმსის გავლენა გუნდში ბოლო კვირების მანძილზე ძალიან შესუსტდა და მიიჩნევს, რომ იგი დროებით პირველ გუნდს უნდა ჩამოაშორონ. Metroს-თან ინტერვიუში მერსონი ამბობს:
"ძალიან ვწუხვარ ამ ახალგაზრდას გამო. ის მოედანზე უკვე დაკარგულად გამოიყურება - მას შესვენება სჭირდება. ჯეიმსს შეუძლია მთელი მატჩი ჩაატაროს, მაგრამ მისი თამაში ამ მომენტისთვის მხოლოდ სირბილზე და სისწრაფეზეა ორიენტირებული. ამით პრემიერ ლიგაში შორს ვერ წახვალ, სწორედ ამიტომ ვწუხვარ მის გამო. ის დროებით პირველი გუნდს უნდა ჩამოაშორონ, მაგრამ მისი შემცვლელი ამ მომენტისთვის არ ჰყავთ".
საინტერესოა, მართალია თუ არა მერსონი. ჯეიმსის თამაშის ხარისხი თანდათან კლებულობს. იგი ბოლომდე იხარჯება, მაგრამ შედეგი სახეზეა - სეზონის პირველ ნახევარში მისი თამაში შეტევაში ბევრად შედეგიანი იყო. შესაძლოა, დროებით განვითარების ლიგაში გაგზავნამ უელსელი გამოაფხიზლოს, პოლ მერსონიც სწორად ამას გულისხმობს.
დაველოდოთ, თუ როგორ უპასუხებს პოლ მერსონს 22 წლის უელსელი კვირას, ოლდ ტრაფორდზე, "უოტფორდთან" მატჩში.
ინტერვიუები
10 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.