"მანჩესტერ იუნაიტედის" აღმავალ-დაღმავალი სეზონი კვლავ გრძელდება. ორშაბათ ღამეს ლონდონის "ჩელსისთან" გასვლაზე 2-0 გამარჯვების შემდეგ, წითელი ეშმაკები ბელგიაში გაემართნენ "ბრიუგესთან" დასაპირისპირებლად ევროპა ლიგის მატჩის გასამართად.

ოლე გუნარ სოლსკიაერმა ორშაბათს გამართული მატჩის შემდეგ ძირითად თერთმეტეულში ბევრი ცვლილება შეიტანა, მაგრამ ამას თამაშის ხარისხზე დადებითად არ უმოქმედია, შედეგად კი ბელგიელებთან ეშმაკები ფრეს დასჯერდნენ.

თუმცა, თამაშის ბოლო 10 წუთი "იუნაიტედის" სასარგებლოდ მიმდინარეობდა. ბრუნო ფერნანდეში ცვლილებაზე შემოვიდა და სწორედ ამან განაპირობა მატჩის სადავეების ხელში მოქცევა.

ამ მოკლე დროში, ბურთთან ბრუნოს თითქმის ყველა შეხება დაცვის ხაზის გამჭრელი პასებით, დრიბლინგით, ან სახიფათო საგოლე მომენტით დასრულდა. აშკარაა, რომ "ეშმაკებმა" სწორი და დროული შენაძენი გააკეთეს იანვარში.

პორტუგალიელის თამაშით ასევე აღფრთოვანებული დარჩა რობინ ვან პერსი, რომელმაც ქება-დიდება შეასხა 25 წლის ნახევარმცველს მისი ბრწყინვალე თამაშის შემდეგ "ბრიუგეს" წინააღმდეგ:

"ის გასაოცარი იყო. დანამდვილებით შემიძლია ვთქვა, რომ მას ნამდვილად შეუძლია ბევრი რამის შემოთავაზება გუნდისთვის. ბურთთან შეხება, ჩაწოდება, პასი... მისი ყურება სიამოვნებაა"[/b]- ამბობს ვან პერსი BT Sport-ის პირდაპირ ეთერში.