"იუნაიტედის" ყოფილი თავდამსხმელის, რობინ ვან პერსის თქმით, სოლსკიაერთან კითხვები დარჩება, თუნდაც მან მოიგოს ევროპა ლიგა. რობინს მიაჩნია, რომ გუნდმა უნდა აჩვენოს მიმზიდველი ფეხბურთი, მხოლოდ ამის შემდეგ შეიძლება აპატიონ მას დამარცხება.

თუ რამე არ შეიცვლება, მაშინ ოლესთან კითხვები დარჩება, თუნდაც მან მოიგოს "ევროპა ლიგა". სტანდარტები ახლა ძალიან მაღალია. ეს გარკვეულწილად გაათავისუფლებდა ზეწოლისგან, მაგრამ კლუბი ამდენი წლის განმავლობაში იმარჯვებდა და ყველას ახსოვს ფერგიუსონის ხანა , - ციტირებს რობინ ვან პერსის სიტყვებს "The Sun-ი".

მისი ფილოსოფია იყო რისკეზე წასვლა და საინტერესო ფეხბურთის ჩვენება. ეს არის სწორედ ის,
რასაც ელოდება მანჩესტერ იუნაიტედის გულშემატკივარი. როდესაც თამაშობთ ასეთ კლუბში, უნდა შეეგუოთ,რომ უბრალოდ გამარჯვება არ არის საკმარისი - თქვენ უნდა მოიგოთ ლამაზი და საინტერესო ფეხბურთის ჩვენებით.

როდესაც მათ მოურინიოს ხელმძღვანელობით მოიგეს ევროპა ლიგა, მინდა გითხრათ,რომ ამ გამარჯვებას დიდი სიამოვნება არ მოუტანა- დიახ, მათ მოიგეს, მაგრამ ამას უნდა აკეთებდეთ გარკვეული გზით. თუ ლამაზად არ გაიმარჯვებთ, მე ვფიქრობ, რომ ზოგიერთი ადამიანი საერთოდ არ აღიქვამს ასეთ გამარჯვებებს. თუ "აიაქსთან" ფინალურ მატჩს დავუბრუნდებით, ეს იყო ტაქტიკური ფინალი. მანამდე ჩატარებული მატჩებიც არ იყო კარგი. ვერ იტყვით, რომ "იუნაიტედი" ორი თავით მაღალი იყო, ვიდრე მისი მეტოქე.

მათ მოიგეს ფინალი, მაგრამ მომდევნო თვეების განმავლობაში სოლსკიაერს კიდევ ერთი ნაბიჯი უნდა გადაედგა წინ. ფეხბურთი გართობაა და გულშემატკივრებს სურთ ამის ნახვა. თქვენ თამაშისგან სიამოვნება უნდა მიიღოთ.

შეგიძლიათ გაიმარჯვოთ სხვა სტილით, არის რამდენიმე გზა, მაგრამ სისტემა, რომელსაც ისინი ეძებენ, უნდა იყოს პოზიტიური. ვიმედოვნებ, რომ სოლსკიაერი შეძლებს ამ სტილის პოვნას. ის უკვე დამკვიდრდა ევროპაში, მაგრამ თუ თქვენ ხართ "მანჩესტერ იუნაიტედის" მწვრთნელი,ბევრი რამის დამტკიცება მოგიწევთ. უნდა იცოდეთ,რომ აქ ვერ გაჩერდებით, პირველიდან ბოლო დღემდე.

ევროპა ლიგა არის დიდი ტურნირი, რომ გაიმარჯვოთ, თქვენ უნდა მოუგოთ რამდენიმე ძალიან კარგ გუნდს. ბოლო რამდენიმე წლის განმავლობაში, გუნდები, რომლებიც თამაშობენ უმაღლეს დონეზე, უკეთესდებიან, დიდ თანხებს ხარჯავენ საუკეთესო მოთამაშეების შესაძენად. მაგალითად, "ინტერ მილანს" თუ შეხედავთ, ეს არის უმაღლესი დონის გუნდი და მათთან თამაში ძალიან რთულია.

დარწმუნებული არ ვარ, რომ "იუნაიტედი" ფინალამდე მივა - დასძინა რობინმა.


http://www.manutd.ru/