საფეხბურთო წრეებში აღშფოთების შემდეგ, რაც გამოწვეული იყო მინო რაიოლას გუშინდელი განცხადებით, აგენტმა შესამჩნევად შეცვალა ტონი და ინტერვიუ მისცა "სკაი სპორტს". კითხვაზე, თუ ისაუბრა ოლე გუნარ სოლსკიაერთან ან ედ ვუდვორდთან განცხადების შემდეგ, რაიოლამ თქვა:
არა, მაგრამ მე დავუკავშირდები ოლეს, რადგან სერიოზული არაფერი მომხდარა. რა თქმა უნდა, მე არ ვაპირებდი კლუბისადმი ან პირადად მისთვის უპატივცემულობის გამოვლენას.
ჩემი ფეხბურთელები თამაშობენ "მანჩესტერ იუნაიტედში" და მხოლოდ საუკეთესო მინდა. მე არაფერი მაქვს ოლეს საწინააღმდეგო და ვფიქრობ, რომ მას არაფერი აქვს ჩემი საწინააღმდეგო. მე უბრალოდ ვფიქრობ, რომ მისი ფრაზა იყო არასწორი. უბრალოდ მინდა ვუპასუხო ყველას, ვინც თვლის, რომ თუ ისინი დაქირავებენ მოთამაშეს, მაშინ ისინი სრულად ფლობენ მას არასწორია.
პოლი ჯერ კიდევ არის ერთგული "მანჩესტერ იუნაიტედის", ეს ეჭვგარეშეა. მას კლუბთან აქვს კონტრაქტი, და მას სურს გუნდში დაბრუნება რაც შეიძლება მალე და პოზიტიური როლის შესრულება სეზონის ბოლოს. ამჟამად არ მიმდინარეობს მოლაპარაკებები პოგბას მომავლის შესახებ. პოლი პატივს სცემს მის კონტრაქტს. ყველას წუხს, რომ პოლი ტოვებს გუნდს, მხოლოდ ეს კითხვა მე არ მაწუხებს.
არის თუ არა პოგბა ღია მოლაპარაკებაზე "იუნაიტედთან ”ახალ ხელშეკრულებაზე?
როგორც კი ის ტრავმის შემდეგ დაბრუნდება, ჩვენ მზად ვიქნებით მოლაპარაკებებისთვის. მას ამჟამად მოქმედი კონტრაქტი აქვს, ამიტომ ის მხოლოდ მისი ფიზიკური ფორმის აღდგენაზე აკეთებს აქცენტს.
როდესაც აგენტი წარმოადგენს რომელიმე მოთამაშეს, რა თქმა უნდა, მათ შორის იქნება საუბარი მომავლის შესახებ, იმაზე, თუ სად უნდა გააგრძელო კარიერა, თუნდაც მწვრთნელის გეგმების ნაწილი იყოს - ეს ნორმალური სიტუაციაა. ვფიქრობ, რომ ჩემი ინტერვიუ სრულიად ლოგიკური იყო როდესაც ვთქვი, რომ შესაძლოა, პოლი ერთ დღეს დაბრუნდეს "იუვენტუსში", რადგან იტალია მისი მეორე სახლია. მაგრამ მე არ მითქვამს, რომ ის მომავალ წელს ან ერთ წელიწადში დაბრუნდებოდა. თქვენ არასოდეს იცით რამ მოხდება.
ამ ტიპის ფეხბურთელებზე დიდი მოთხოვნა არ არის, რადგან ბევრ კლუბს არ შეუძლია შეიძინოს ამ კალიბრის ფეხბურთელი. ამ ეტაპზე, არცერთ კლუბთან არ არის მოლაპარაკება.
რას ვგულისხმობდი, როდესაც ვთქვი, რომ სოლსკიაერს პოგბას გარდა სხვა საფიქრალი აქვს?
მე ვგულისხმობდი, რომ ჩემპიონთა ლიგაში მოხვედრა უფრო მნიშვნელოვანია კლუბისთვის. ჩემი სიტყვები კვლავ კონტექსტიდან ამოიღეს და მათ სხვა მნიშვნელობა მიეცა -დაასრულა პოლ ბოგბას აგენტმა.