"მანჩესტერ იუნაიტედი" მოლაპარაკებებს აწარმოებს ანტერო ენრიკესთან და რალფ რანგნიკთან, კლუბის ტექნიკური დირექტორის დანიშვნის თაობაზე, იტყობინება "ტელეგრაფი"

გამოცემის ცნობით, ენრიკესთან მოლაპარაკება მოწინავე ეტაპზეა, ხოლო 51 წლის სპეციალისტთან კლუბი საკმაოდ ახლოსაა, ირწმუნებიან სხვადასხვა წყაროები.

ამასთან, "მანჩესტერ იუნაიტედის" რამდენიმე გავლენიანი ფიგურა მხარს უჭერს რალფის კანდიდატურას. რაც შეეხება "ლაიფციგის" ყოფილ მწვრთნელს და "რედ ბულის" სპორტული განყოფილების ამჟამინდელ ხელმძღვანელს, უპირატესობას "პრემიერ ლიგაში" გადასვლას ანიჭებს.

ანტერო ენრიკე ცნობილია თავისი საქმიანობით, როგორც "პარი სენ-ჟერმენის" სპორტული დირექტორი. იგი პირადად შეარჩიეს კლუბის "ყატარელმა" მფლობელებმა და მისი დამსახურებაა კილიან მბაპეს გადაყვანა, რომელმაც იგი დაარწმუნა "რეალში" წასვლაზე უარი ეთქვა. ასევე დიდი წვლილი შეიტანა ნეიმარისა და დანი ალვეშის გაფორმებაში.

მანამდე ენრიკემ 26 წელი გაატარა პორტოში, სადაც ის ადმინისტრაციულ თანამდებობაზე ყოფნის შემდეგ, კლუბის ვიცე-პრეზიდენტად გადავიდა. ამ დროის განმავლობაში მან პირადი ურთიერთობები დაამყარა ევროპის საუკეთესო კლუბების ხელმძღვანელობასთან და წამყვან აგენტებთან. მან მონაწილეობა მიიღო ისეთ ტრანსფერებში,როგორიცაა ანდერსონის "იუნაიტედში" გადაყვანა, ბოსინგვა - "ჩელსიში", ფალკაო "ატლეტიკოში", პეპე და დანილო "რეალში" და სხვები.


რანგნიკი ითვლება თანამედროვე გერმანული ფეხბურთის პიონერად და ლაიფციგისა და მისი პარტნიორი კლუბის "ზალცბურგის" წარმატებების არქიტექტორად.

2012 წელს მან ორივე კლუბის სპორტული დირექტორის თანამდებობა დაიკავა, ხოლო 2015 წელს მხოლოდ "ლაიფციგზე" გაამახვილა ყურადღება, სადაც მთავარ მწვრთნელად მუშაობდა და ტიტულის მოპოვებისთვის იბრძოდა. 2019 წელს იგი ხელმძღვანელობდა "რედ ბულის" სპორტულ განყოფილებას.

სწორედ მის სახელს უკავშირდება "ლივერპულის" ამჟამინდელი ოთხი მოთამაშე. სადიო მანე, ნაბი კეიტა, რობერტო ფირმინო და ჯოელ მატიპი, ასევე "ლაიფციგის" თავდამსხმელი ტიმო ვერნერი, რომელიც მრავალი ტოპ კლუბის სამიზნეა.


http://www.manutd.ru