პრემიერ ლიგის 26-ე ტურის მატჩში "მანჩესტერ იუნაიტედმა" ლონდონის "ჩელსი" 0-2 დაამარცხა. შეხვედრის 21-ე წუთზე ჰარი მაგუაირმა მიჩი ბაჩუაის წინააღმდეგ იუხეშა. ეპიზოდი VAR-მა გადაამოწმა, თუმცა ჩათვალა, რომ მაგუეიერი წითელ ბარათს არ იმსახურებდა.
"ვიცი, რომ ბაჩუაის დავარტყი, მაგრამ განზრახ არ მიუხეშია. ვიფიქრე, რომ ზედ დამეცემოდა, ამიტომ ფეხი ინსტინქტურად გავწიე წინ მის შესაჩერებლად. მსაჯმა სწორი გადაწყვეტილება მიიღო" - განაცხადა ინგლისელმა მცველმა.
გუშინდელ შეხვედრაში მაგუაიერმა "იუნაიტედის" მაისურით პირველი გოლი გაიტანა პრემიერ ლიგაში. 26 წლის მცველმა აღნიშნულ გოლზე კომენტარი გააკეთა: "თავით გოლის გასატანად დიდი დრო დამჭირდა. "ტრანმერს" კი გავუტანე ფეხით, მაგრამ წელს ბევრი შანსი გავუშვი ხელიდან და ვიცოდი, რომ თავური გოლი მხოლოდ დროის საკითხი იყო. ჩემს გოლში დიდი წვლილი მიუძღვის ბრუნოს თავისი ჩაწოდებით და იმედია, სეზონის ბოლომდე კიდევ მრავალჯერ ჩააწოდებს ასე. ნახეთ, რას აკეთებს ბრუნო, გვმატებს ხარისხს თავისი ტექნიკური უნარებით ბურთის ფლობისას უბრალოდ მოედანზე თავისი ყოფნითაც კი. ნამდვილი ლიდერია და კარგია გასახდელში მისი არსებობა, რაც, იმედია, დიდხანს გაგრძელდება".
პრემიერ ლიგის მიმდინარე სეზონში სოლსკიაერს "ჩელსისთან" ორი გამარჯვება დაუგროვდა. აღსანიშნავია, რომ 1987/88 წლების სეზონის შემდეგ "მანჩესტერ იუნაიტედმა" პირველად დაამარცხა "ჩელსი" ერთ სეზონში ორჯერ. 1964/65 წლების სეზონის შემდეგ კი პირველად გააკეთა ეს გოლის გაშვების გარეშე.
ინტერვიუები
5 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.