პრემიერ ლიგის 26-ე ტურის ცენტრალური შეხვედრა "სტემფორდ ბრიჯზე" შედგა, სადაც "ჩელსიმ" "მანჩესტერ იუნაიტედს" უმასპინძლა. სოლსკიაერის გუნდმა მიმდინარე სეზონში "ლურჯების" დამარცხება ზედიზედ მესამედ მოახერხეს.
შეხვედრაში თავი ენტონი მარსიალმა და ჰარი მაგუაიერმა გამოიჩინეს. ამ უკანასკნელმა კლუბის ახალწვეულის, ბრუნო ფერნანდეშის გადაცემით ისარგებლა. პორტუგალიელმა ფეხბურთელმა მატჩის შემდგომ შეხვედრა შეაფასა.
"ძალიან ბედნიერი ვარ. "ჩელსი" დიდებული გუნდია და ჩვენ ამ მატჩის მოგება ოთხეულში მოხვედრის იმედის შესანარჩუნებლად გვჭირდებოდა. ვფიქრობ, ბურთით უკეთ თამაშიც შეგვიძლია, მაგრამ ესეც კარგი მატჩი იყო ძალიან კარგი გუნდის წინააღმდეგ. თავს ნამდვილად კარგად ვგრძნობ. ინგლისის უდიდეს გუნდში ვთამაშობ და ჩემი ოცნება ახდა" - განაცხადა ფერნანდეშმა.
აღსანიშნავია, რომ შეხვედრის საუკეთესო ფეხბურთელად "მანჩესტერ იუნაიტედის" გულშემატკივრებმა პორტუგალიელი ნახევარმცველი დაასახელეს.
ინტერვიუები
5 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.