"მანჩესტერ იუნაიტედის" მთავარ მწვრთნელ ოლე გუნარ სოლსკიაერს მიაჩნია, რომ სტაბილურობა გადამწტყვეტი იქნება მიმდინარე სეზონის ჯამში პრემიერ ლიგის საუკეთესო ოთხ გუნდს შორის მოხვედრაში.
"იუნაიტედი" სანაკრებო პაუზიდან მეოთხე ადგილზე მყოფ "მანჩესტერ სიტისთან" 9-ქულიანი ჩამორჩენით ბრუნდება, მაგრამ მწვრთნელს მიაჩნია, რომ მომდევნო სეზონში ჩემპიონთა ლიგაზე გასვლა რეალური სამიზნეა.
სანამ საკლუბო ფეხბურთში ორკვირიანი პაუზა დაიწყებოდა, "წითლები" შესანიშნავ ფორმაში იმყოფებოდნენ და ყველ ტურნირზე ჩატარებულ ბოლო ექვს მატჩში 5 მოიგეს.
ოლეს მიაჩნია, რომ თუ იმავე ფორმას შეინარჩუნებს გუნდი "შეფილდთან" შეხვედრაშივე და სხვა მატჩებშიც გააგრძელებს გამარჯვებებს, ჩემპიონთა ლიგის ზონას მალე დაუახლოვდება. "დიახ, საუკეთესო ოთხეულში მყოფ გუნდებს შორის სიმჭიდროვეა. ზუსტად არ ვიცი, მაგრამ რამდენიმე გუნდია, რომელთაც მხოლოდ სამი თუ ოთხი ქულა აშორებს ოთხეულამდე. ასე რომ, ჩვენს შემთხვევაში ყველაფერი სტაბილურობაზე და მაქსიმალურად ბევრი ქულის აღებაზეა დამოკიდებული.
მოვლენები ჩვენდა საკეთილდღეოდ განვავითარეთ, კარგი თამაშ და კარგი შედეგი გვქონდა წინა სანაკრებო პაუზის შემდეგ, ამის შემდეგ კი ისევ სიმჭიდროვე გაჩნდა და მოუთმენლად ველოდები მომდევნო მატჩს ამავე მიზეზით. კარგად თამაში და კარგი შედეგები გვჭირდება."
როგორც ყოველთვის, დეკემბერი ამჯერადაც მოახდენს თავის გავლენას წლის შემაჯამებელ ცხრილზე, "იუნაიტედს" კი წლის ბოლო თვეში 9 მატჩის ჩატარება მოუწევს და მათ შორისაა დაპირისპირებები "ტოტენჰემსა" და "მანჩესტერ სიტისთან".
"ჩვენ კვლავ ცხრილის სათავეში უნდა ვიყურებოდეთ. ოთხეული ახლოსაა, მაგრამ დიდი ჩამორჩენა გვაქვს. მომდევნო თვეში "სიტის" ვეთამაშებით, ამიტომ ჩამორჩენის შემცირების შანსი გვაქვს.
გვიბრუნდებიან ფეხბურთელები, გუნდი უმჯობესდება, ამიტომ გვაქვს იმედი, რომ სათანადო კონკურენციას გავუწევთ ჩვენს მეტოქეებს სეზონის მიწურულს.
მოვისმინე მარკუსის ინტერვიუ ამ საკითხთან დაკავშირებით და მინდა ვთქვა, რომ ეს მხოლოდ ოთხეულში მოხვედრის საკითხი არ არის, ეს ჩვენი მიზანია".