"მანჩესტერ იუნაიტედში" დარწმუნებულნი არიან, რომ მომდევნო სეზონში ჯეიმს მედისონი მათ რიგებში იასპარეზებს.
MEN-ის ინფორმაციით, მედისონისადმი ინტერესი ამა წლის დასაწყისში გაჩნდა,"იუნაიტედის"სკაუტები კი აკვირდებიან "ლესტერის" მოთამაშის განვითარებას. ჯეიმსი მომავალ თვეში გახდება 23 წლის, "იუნაიტედში" ფიქრობენ, რომ ინგლისელი მნიშვნელოვნად გააძლიერებს გუნდის ნახევარდაცვას, ამავდროულად იგივე წყარო იტყობინება, რომ სკაუტები "ლესტერის" მარცხენა მცველ ბენ ჩილველსაც აკვირდებიან.
როგორც მოგეხსენებათ, "იუნაიტედი"ახალგაზრდა ინგლისელ ფეხბურთელებზე აკეთებს აქცენტს,ეს ორი ფეხბურთელი კი გამოარჩიეს სკაუტებმა და ზამთრის სატრანსფერო ფანჯრის დროს "იუნაიტედში" შეეცდებიან მათ გადმობირებას.
მედისონი "ლესტერში" გასულ წელს 20 მილიონ ფუნტ სტრელინგად გადავიდა, მას შემდეგ საკმაოდ დიდი პროგრესი აჩვენა,რის შედეგადაც საუთგეიტმა ნაკრებშიც გამოიძახა. მისი კონტრაქტი 2023 წლამდეა გაწერილი.