როგორც მოგეხსენებათ საუდის არაბეთის პრინცი მუჰამედ ბინ სალმანი დაინტერესებულია "მანჩესტერ იუნაიტედის" შეძენით. მან რამოდენიმე ხნის წინ სცადა გლეიზერების დაყოლიება,რომ მიეყიდათ ინგლისური კლუბი,მაგრამ მუჰამედმა უარი მიიღო.

გლეიზერები 2005 წლიდან არიან "იუნაიტედის" მფლობელები,მათ ასევე შესყიდული აქვთ ამერიკული ფეხბურთის გუნდი Tampa Bay Buccaneers.

Mirror-ის ცნობით საუდის პრინცმა გლეიზერებს თავის დროზე 3 მილიარდი ფუნტი სტერლინგი შესთავაზა, მაგრამ ეს შემოთავაზება მათ უარყვეს.ახლახან კი კევინ გლეიზერმა New York-ის საფონდო ბირჟაზე კლუბის 13 პროცენტიანი წილი გამოყო,ეს კი სიგნალი იყო კლუბის პოტენციური მყიდველებისთვის.

გლეიზერებმა თავის დროზე "იუნაიტედი" 1.4 მილიარდ დოლარად შეისყიდეს, ახლა კი ისინი ცდილობენ გუნდი დაახლოებით 4 მილიარდ დოლარად გაყიდონ.

ასევე უნდა შეგახსენოთ, რომ საუდის არაბეთის პრინცის წარმომადგენლებმა,თავის დროზე უარყვეს მათი მხრიდან "მანჩესტერ იუნაიტედის" შესყიდვის მცდელობა და ამ ყველაფერს სიცრუე უწოდეს.

წყარო:RT.com