მოგეხსენებათ, "იუნაიტედს" ბოლო 30 წლის განმავლობაში ყველაზე ცუდი სტარტი აქვს ლიგაში. "ნიუკასლთან" დამარცხებამ, "ეშმაკები" გასავარდნ ზონას მიუახლოვა. მატჩის შემდეგ, სოლსკიაერი ფეხბურთელებს შეხვდა და უთხრა, რომ ასე თამაშს თუ გააგრძელებდნენ, მას მწვრთნელის პოსტიდან მოხსნიდნენ, მიუხედავად იმისა, რომ ედ ვუდვორდი ბოლომდე ენდობა.

ოლემ ფეხბურთელებს ისიც შეახსენა, რომ მათი მომავალიც რისკის ქვეშ დგებოდა, ვინაიდან ახალი მწვრთნელი მათ ისე აღარ ენდობოდა, როგორც ნორვეგიელი ენდობა. მწვრთნელის აზრით, მის მიერ მიცემულ დავალებებს ფეხბურთელები თავს ვერ ართმევენ.

სწორედ ამ ფაქტის შემდეგ, მარკუს რეშფორდმა სოციალურ ქსელში დაპოსტა: "ფეხბურთში ვერ დაიმალები, გასული რამდენიმე კვირა საკმარისად კარგი არ იყო-როგორც "იუნაიტედის" ფანი, ეს მტკივა".

შეგახსენებთ, რომ გუნდმა მწვრთნელის პოსტიდან გასულ წლებში დაითხოვა მოურინიო, ვან გაალი და მოიესი, თუმცა ბევრის აზრით, "მანჩესტერს" ასეთი რთული პერიოდი მათ დროსაც კი არ ჰქონდა.

წყარო: thesun