საინტერესო ინფორმაციას ავრცელებს პრესა რომელიც იწერება, რომ ტურინის "იუვენტუსის" ყოფილი მენეჯერი მასიმილიანო ალეგრი ინგლისურ ენას აქტიურად სწავლობს. როგორც ჩანს, "ბებერი ქალბატონის" ყოფილ დამრიგებელს პრემიერლიგური გრანდის ჩაბარება სურს.
კერძოდ, ისეთი ცნობილი გამოცემა როგორიც The Guardian-ია, აღნიშნავს, ეს ყველაფერი დაკავშირებულია იმ ფაქტთან, რომ ალეგრის "მანჩესტერ იუნაიტედში" მუშაობა აქვს განზრახული. ალეგრი, ოლე გუნარ სოლსკიაერის პოტენციურ შემცვლელად მიიჩნევს თავს.
შეგახსენებთ, რომ "წითელი ეშმაკების" ხელმძღვანელობა, ამ მომენტისთვის მხარდაჭერას უცხადებს ნორვეგიელ სპეციალისტს და მის გაშვებას არ გეგმავს, თუმცა იმ შემთხვევაში თუ არასასურველი შედეგების დაფიქსირება განაგრძო კლუბმა, "იუნაიტედი" სოლსკიაერის შემცვლელი მწვრთნელების "შორთ-ლისტში" მასიმილიანო ალეგრისაც ხედავს.
თუმცა, ჩემპიონთა ლიგის გასულ ტურში სადაც, ლონდონის "ტოტენჰემი" ნიკო კოვაჩის "ბაიერნს" დაუპირისპირდა, მასიმილიანო ალეგრი მოედნის ტრიბუნიდან ადევნებდა აღნიშნულ მატჩს თვალყურს, რაც იმაზე მეტყველებს, რომ იტალიელს გეგმაში არამხოლოდ "მანჩესტერ იუნაიტედის" მენეჯერობა აქვს, არამედ ლონდონური კლუბისაც.
ახალი ამბები
9 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.