ზაფხულის სატრანსფერო ფანჯარაზე წარუმატებელი მცდელობების მიუხედავად, "მანჩესტერ იუნაიტედში" ფიქრობენ, რომ ტურინის "იუვენტუსის" არგენტინელი შემტევი პაულო დიბალა მათ რიგებს ზამთარში მაინც შეუერთდება.

პრესის მიერ გავრცელებული ცნობებით, დიბალამ თავად გადაწყვიტა დარჩენილიყო "ბებერი ქალბატონის" რიგებში და თავის შენსს დალოდებოდა.

როგორც ჩანს ახალი მიმზიდველი წინადადებით ინგლისელები მას ზამთარშიც მიმართავენ. ინფორმაციას Tuttosport-ი ავრცელებს.

ფეხბურთელს მის ამჟამინდელ კლუბთან კონტრაქტი 2022 წლამდე აკავშირებს. სხვადასხვა საინფორმაციო წყაროებს თუ დავუჯერებთ, დიბალას გაყიდვის წინააღმდეგი იტალიური კლუბი არ ყოფილა, როგორც ჩანს "ბებერი ქალბატონი" იანვარშიც ანალოგიურ პოზიციაზე იქნება.