"მანჩესტერ იუნაიტედის" ყოფილმა და ახლა უკვე ანტონიო კონტეს გუნდის ფეხბურთელმა ალექსის სანჩესმა, ჟურნალისტებისთვის მიცემულ ინტერვიუში "ოლდ ტრაფორდზე" გატარებული დრო გაიხსენა და განაცხადა, რომ მიუხედავად იმისა თუ რა რთული პერიოდი გაიარა ამ კლუბში, ის "იუნაიტედში" გადასვლას არ ნანობს.
"მოხარული ვიყავი, როდესაც კონტრაქტს "მანჩესტერ იუნაიტედთან" ვაფორმებდი. ეს კლუბი ყველაზე ტიტულოვან კლუბს წარმოადგენს ინგლისში. მე კომფორტულად ვგრძნობდი თავს "არსენალში", ხოლო "იუნაიტედი" აქტიურად ვითარდებოდა, იძენდა ახალ მოთამაშეებს.
მსურდა, გადასვლა იქ, სადაც მოვიგებდი ყველაფერს. არ ვნანობ, რომ "მანჩესტერ იუნაიტედში" გადავედი." - ციტირებს BBC- ი ალექსის სანჩესის სიტყვებს.შეგახსენებთ, რომ "ნერაძურიმ" ჩილელი ფეხბურთელი არენდის წესით 1 წლიანი ვადით გადაიბირა თავის კლუბში.
საერთო ჯამში 30 წლის ფეხბურთელმა "მანჩესტერ იუნაიტედის" მაისურით 45 მატჩი ჩაატარა. საკუთარ მონაგარს რაც შეეხება, სანჩესის ანგარიშზე აღნიშნული შეხვედრებიდან მხოლოდ 5 გოლი და 9 საგოლე გადაცემაა.
ინტერვიუები
8 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.