პრემიერ ლიგის მეოთხე ტურში "მანჩესტერ იუნაიტედი" "საუთჰემპტონს" დაუპირისპირდა. "წმინდანებმა" და "წითელმა ეშმაკებმა" შეხვედრა ფრედ, 1-1 დაასრულეს. მატჩის შემდეგ "იუნაიტედის" მთავარმა მწვრთნელმა შეხვედრა შეაფასა.
"კარგად დავიწყეთ, მატჩი გეგმის მიხედვით მიდიოდა. სწორედ ასეთ დროს საჭიროა მაქსიმალური მობილიზება, მოედანზე ბევრი თავისუფალი სივრცე იყო, რომლის ათვისებაც ვერ შევძელით. საკამრისად ცივსისხლიანები არ ვიყავით, ბევრი შანსი შევქმენით, თუმცა გადამწყვეტ ფაზაში გვიჭირს, ნელ-ნელა ამასაც გამოვასწორებთ." - განაცხადა ნორვეგიელმა.
სოლსკიაერმა ჯეიმსის გოლზეც ისაუბრა, რომელმაც ოთხ შეხვედრაში სამჯერ მოახერხა მეტოქის კარის აღება.
"ჯეიმსის შესაძლებლობებს კარგად ვიცნობთ. მან შესანიშნავი გოლი გაიტანა, ფეხბურთელები ცდილობენ დასარტყმელი სივრცე შეუქმნან. მან უკვე მოახდინა ჩვენს თამაშზე გავლენა, მოხარული ვარ მისი წარმატებით. სამი გოლი კარგი შედეგია ახალგაზრდა ფეხბურთელისთვის, ის გააგრძელებს გაუმჯობესებას, ჩვენ გავაგრძელებთ გაუმჯობესებას, რადგან გუნდი უკეთესი ხდება. უნდა შევწყვიტოთ გოლების გაშვება" - დაასრულა სოლსკიაერმა.