"მანჩესტერ იუნაიტედის" იტალიელ მცველს მატეო დარმიანს, მისი ამჟამინდელი კლუბის დატოვება და კარიერის სამშობლოში გაგრძლება აქვს განზრახული. ფეხბურთელმა "წითელი ეშმაკების" ხელმძღვანელობას ტრანსფერზე დაყენება სთხოვა.

La Gazzetta dello Sport- ის ჟურნალისტის ნიკოლო სკირის მიერ გავრცელებული ცნობით მატეოს იტალიაში დაბრუნება მკაცრად აქვს გადაწყვეტილი.

თავის მხრივ იტალიური კლუბები დარმიანის მომსახურებით ინტერესდებან. "იუვენტუსი", "ფიორენტინა" და "ინტერი" მარჯვენა მცველის დამატებას ეცდებიან.

გასულ სეზონში 29 წლის იტალიელმა ფეხბურთელმა "მანჩესტერ იუნაიტედის" მაისურით მხოლოდ 6 შეხვედრაში მიიღო მონაწლეობა. აშკარაა, რომ ის გუნდის ნორვეგიელი სპეციალისტის ოლე გუნარ სოლსკაერის გეგმებში არ შედის.