პრემიერ ლიგის მე-2 ტურში "მანჩესტერ იუნაიტედი" "ვულვზს" დაუპირისპირდა. მარსიალისა და ნევეშის გოლების წყალობით გუნდებმა ქულები გაიყვეს. აღსანიშნავია, რომ "წითელი ეშმაკები" "მგლების" დამარცხებას უკვე ხუთი მატჩია, რაც ვერ ახერხებენ.
შეხვედრის შემდეგ "მანჩესტერ იუნაიტედის" მთავარმა მწვრთნელმა, ოლე გუნარ სოლსკიაერმა მცირე კომენტარი გააკეთა:
"თამაში მოსალოდნელი სცენარით წარიმართა, ბურთს ვაკონტროლებდით, პირველი გოლი გავიტანეთ, ძალიან კარგი გოლი გამოვიდა. მეორე ტაიმის წინ ვიცოდით, რომ ისინი უფრო აგრესიულად შეგვიტევდნენ. გარისკეს და რამდენიმე მომენტი შექმნეს, გაიტანეს გოლი, რომელსაც ალბათ, იმსახურებდნენ. გაშვებული გოლის შემდეგ კონტროლი დავიბრუნეთ და შეგვეძლო, თამაში მოგვეგო.
პირველ ტაიმში დაღვინებული გუნდის თამაში ვაჩვენეთ, რასაც მეორე ტაიმზე ვერ ვიტყვი, მაგრამ ჩვენ ვპროგრესირებთ, ვართ გუნდი, რომელიც სწავლობს და ვფიქრობ, მოედანზე დღეს გაკვეთილი მივიღეთ".