როგორც მოგეხსენებათ, მიმდინარე ზაფხულს "მანჩესტერ იუნაიტედმა", "ლესტერ სიტიდან" ჰარი მაგუაიერი გაიფრომა. ინგლისურ გრანდს 26 წლის მცველის ტრანსფერი, სარეკორდო £80 მილიონი დაუჯდა.

რეკორდულ ტრანსფერს, "ნაპოლის" პრეზიდენტი გამოეხმაურა და განაცხადა, რომ თუ კი კლუბი ჰარიში £80 მილიონს იხდის, მაშინ საკუთარი კლუბის სენეგალელი უკანა ხაზელი, კალიდუ კულიბალის ფასი £250 მილიონს შეადგენს. ლაურენტსის განცხადებით, იგი შეშფოთებულია ფეხბურთელების მაღალი ფასებით და ბრალს ინგლისურ კლუბებს დებს. იტალიელი, მიზეზად ბრიტანული კლუბების მაღალ შემოსავლებს ასახელებს ( გულისხმობს: ტრანსლაციებს, სპონოსროებს და სხვას). აქვე დასძენს, რომ ბრიტანელები ამ საკითხში ბევრად უფრო ძლიერები არიან, ვიდრე ევროპის დანარჩენი ტოპ ლიგები.

იტალიური გუნდის პრეზიდენტმა, ESPN -ს განუცხადა: "ამჟამად კულიბალის გამოსასყიდი თანხა £150 მილიონს შეადგენს, ინგლისში მცველში გადაიხადეს £80 მილიონი, რაც სრულ სიგიჟეთ მიმაჩნია. თუ კი აღნიშნული ტრანსფერში მონაწილე ფეხბურთელი, ჩემს მიერ დასახელებული თანხა ღირს, მაშინ კალიდუს მსურველს ჩვენთვის £250 მილიონის გადახდა მოუწევს. სატრანსფერო ბაზარზე ფეხბურთელების ფასის ასეთი ზრდა ინგლისური კლუბების შემოსავალი განაპირობებს. მათი შემოსავალი გაცილებით უფრო დიდია ვიდრე, იგივე იტალიურ, ესპნაურ, გერმანულ და ფრანგულ კლუბებს აქვთ. ბრიტანელების ფულის ბრუნვა იმდენად უზარმაზარია, რომ მათ შეუძლიათ ზაფხულის ერთ სატრანსფერო ფანჯარაზე £800 მილიონი დახარჯონ თანაც ისე, რომ ერთ კონკრეტულ ფეხბურთელში უპრობლემოდ შეუძლიათ £100 მილიონის გადახდა."

წყარო: goal.com