მას შემდეგ, რაც "მანჩესტერ იუნაიტედმა" ჰარი მაგუაიერი რეკორდულ £80 მილიონად დაიმატა, ოლე გუნარ სოლსკიაერი მზად არის მარკოს როხო გაასხვისოს, იტყობინება Daily Mail-ი. გამომცემლობის ცნბოით, სამხრეთ ამერიკელის დამტებით მერსისაიდულ "ევერტონია" დაინტერესებული.

როგორც მოგეხსენებათ, "კამფეტებმა" ვერ შეძლეს "ჩელსიდან" კურტ ზუმას გამოსყიდვა, გარდა ამისა ლონდონურმა კლუბმა ფიკაიო ტომორის იჯარით გაშვებაზე უარი განაცხადა. ცნობისთვის "ევერტონის" მთავარ მწვრთნელს, მარკო სილვას როხოს დამტება, ჯერ კიდევ გასულ ზაფხულს სურდა. თუმცა მაშინ "წითელი ეშმაკების" იმ დროინდელმა მესაჭემ, ჟოზე მოურინიომ არგენტინელის გაშვება იუარა. მაგრამ სიტუაცია შეიცვალა და ინგლისური გიგანტი, მზად არის მარკოსზე წინადადებები მოისმინოს. სილვას კი კვლავ სურს როხოს საკუთარ გუნდში ხილვა და მზად არის მისი შეძენა ხელახლა სცადოს.

თუმცა არსებობს ერთი დაბრკოლება, მარკოს როხოს ტრამვებისადმი მიდრეკილება. წყაროს ცნობით, სოწორედ ამიტომ, მერსისაიდელებს 29 წლის უაკანა ხაზელის დამატება თავდაპირველად იჯარის წესით სურთ, შემდგომ კონტრაქტის სრული გამოსყიდვით. რამდენადაა თანახმა "მანჩესტერ იუნაიტედი" აშნიშნულ წინადადებაზე ჯერჯერობით უცნობია. შეგახსენებთ, რომ ლივერპულმა კლუბმა "ეშმაკებს" კრის სმოლინგის იჯარის თაობაზე მიმართეს, მაგრამ ოლე გუნარ სოლსკიაერისგან მტკიცე უარი მიიღეს.

წყარო: Daily Mail