ბელგიელი მალე "ინტერთან" გააფორმებს ხელშეკრულებას.
"მანჩესტერ იუნაიტედის" ფორვარდი რომელუ ლუკაკუ მილანში ჩაფრინდა, სადაც მალე "ინტერთან" გააფორმებს კონტრაქტს. ბელგიელს აეროპორტში 200-მდე გულშემატკივარი დახვდა.
ლუკაკუ, რომელიც "წითელ ეშმაკებს" 2017 "ევერტონიდან" 75 მილიონი ფუნტის სანაცვლოდ შეუეთდა და რომელსაც 2022 წლამდე აკავშირებს მოქმედი კონტრაქტი, პრემიერ ლიგის გრანდისთვის ფულის შოვნის იმედია და როგორც ჩანს, მილანელებმა "იუნაიტედის" მოთხოვნები დააკმაყოფილეს. როგორც ცნობილია, "ინტერს" 26 წლის ფორვარდის სანაცვლოდ 73 მილიონი ფუნტის გადახდა მოუწევს.
"ინტერის" ახალი მწვრთნელი ანტონიო კონტე ლუკაკუს შეძენას ჯერ კიდევ "ჩელსიში" მუშაობის დროს აპირებდა და ახლაც მყარად აქვს გადაწყვეტილი მიზნის მიღწევა.
აღსანიშნავია, რომ ბოლო რამდენიმე დღის განმავლობაში ლუკაკუ "ანდერლეხტთან" ერთად ვარჯიშობდა, რის გამოც კლუბისგან დაჯარიმდა კიდეც.
AS-ის ცნობით, იმ შემთხვევაში, თუ ლუკაკუ გუნდს დატოვებს, ოლე გუნარ სოლსკიაერს მის შემცვლელად ფერნანდო ლორენტე სურს, რომელმაც "ტოტენჰემი" ახლახანს დატოვა და თავისუფალი აგენტი გახდა.