ოლე გუნარ სოლსკიაერის "მანჩესტერ იუნაიტედი" 2019- წლის წინასასეზონო ტურნეს დღეს ოფიციალურად დაასრულებს. "წითელი ეშმაკები" ტურნეს ბოლო შეხვედრაში იტალიურ "მილანს" საერთაშორისო თასზე დაუპირისპირდებიან.
საინტერესო ინფორმაცია ვრცელდება "მანჩესტერ იუნაიტედის" გულშემატკივართათვის. ნორვეგიელ სპეციალისტს დღევანდელ მატჩში გუნდის ერთ ერთი ლიდერი ფრანგი ნახევარმცველი პოლ პოგბა არ ეყოლება.
მიზეზად დასახელდა ტრავმა რომელიც ფრანგს ზურგის არეში აწუხებს, თუმცა პრესაში გაიჟღერა ინფორმაციამ, რომ ფეხბურთელი უკმაყოფილოა იმ გარემოებით რაც "რეალ მადრიდში" ტრანსფერს უშლის ხელს. - ინფორმაციას ჟურნალისტი ხოსე ალვარეს აია ავრცელებს.
პოგბას ესპანურ გრანდში ტრანსფერი ჩიხშია შესული, რადგან "მანჩესტერ იუნაიტედის" გენერალური დირექტორი ედ ვუვორდი არ აპირებს ფლორენტინო პერესთან დათმობებზე წასვლას.