ტურინის "იუვენტუსის" არგენტინელი ფეხბურთელი პაულო დიბალა დილემის წინაშე დგას, დიბალას ორი არჩევანი აქვს, გადავიდეს "იუნაიტედში" სადაც გუნდის ნორვეგიელი სპეციალისტი ოლე გუნარ სოლსკიაერი ახალი პროექტის ნაწილი გახდეს, ან დარჩეს "იუვენტუსში" სადაც მისი მომავალი კითხვისნიშნის ქვეშ დგას, რადგან აშკარაა მაურიციო სარისა და მის გუნდს პაულოს გასხვისება სურთ.
საინტერესო ინფორმაციას ავრცელებს Daily Mail- ი, აღნიშნული წყარო იუწყება, პაულო დიბალასა და კრიშტიანუ რონალდუს შორის საუბარი შედგა აღნიშნულ თემაზე.
არგენტინელმა ტურინელთა სუპერვარსკვლავს რჩევა ჰკითხა: რონალდუმ დიბალას უპასუხა, რომ ის უნდა გადავიდეს "მანჩესტერ იუნაიტედში", ხოლო მისი გადასვლით "წითელი ეშმაკები" ჩემპიონობას გაინაღდებენ.
შეგახსენებთ, რომ ინგლისურ და იტალიურ კლუბებს შორის ბარტერი იგეგმება - პაულო დიბალა, რომელუ ლუკაკუს სანაცვლოდ, თუმცა აღსანიშნავია, რომ არგენტინელი "იუნაიტედში" გადასვლაზე თანხმობას ამ დრომდე არ აცხადებს, პრობლემას მხოლოდ მისი პასუხი წარმოადგენს.