მიმდინარე სეზონში, ოლე გუნარ სოლსკიაერის შემადგენლობამ მატებასთან ერთად დანაკლისიც განიცადა.
კლუბმა ტრანსფერების სახით ორი ფეხბურთელი - დენიელ ჯეიმსი და აარონ ვან ბისაკა დაიმატა, თუმცა ტრავმის გამო "წითელმა ეშმაკებმა" ცენტრალური მცველი ერიკ ბაიი გარკვეული ხნით დაკარგეს.
ნორვეგიელმა სპეციალისტმა ოლე გუნარ სოლსკიაერმა თავად განაცხადა, რომ ერიკი გუნდს ხანგრძლივი პერიოდით ვერ დაეხმარება.
ბაიი ოპერაციას მუხლზე გაიკეთებს. მისი დაბრუნების ვადები კი 4-5 თვემდე გასტანს. ეს ნიშნავს იმას, რომ ფეხბურთელმა გუნდს შესაძლოა მიმდინარე წელს ვერ დაეხმაროს.
აღსანიშნავია ის ფაქტი, რომ ბაიის "მანჩესტერულ" კარიერაში უიღბლო პერიოდი გრძელდება. ცენტრალურმა მცველმა გასული სეზონის დიდი ნაწილი ლაზარეთში გაატარა.