ტურინის "იუვენტუსის" არგენტინელმა შემტევმა პაულო დიბალამ კარიერა შესაძლოა ოლე გუნარ სოლსკიაერის "მანჩესტერ იუნაიტედში" გააგრძელოს. "ბებერი ქალბატონი" მზადაა დიბალა რომელუ ლუკაკუს სანაცვლოდ დათმოს. იუწყება - Sky Italy.
ზემოხსენებული წყაროს ცნობით კლუბებს შორის შეთანხმება შედგა. ტრანსფერის დახურვას ხელს მხოლოდ დიბალასა და "მანჩესტერ იუნ აიტედს" შორის შესათანხმებელი საკითხები უშლის. დიდი ალბათობით არგენტინელი ინგლისელებთან მოლაპარაკებას შეძლებს.
პრესაში ასევე გავრცელდა ცნობები იმის შესახებ, რომ პაულო დიბალას აგენტი უკვე ლონდონშია და მოლაპარაკებებს აწარმოებს ედ ვუდვორდთან.
შეგახსენებთ, რომ "იუნაიტედის" ბელგიელი შემტევის რომელუ ლუკაკუს ტრანსფერით აქამდე ყველაზე აქტიურად ანტონიო კონტეს "ინტერი" ინტერესდებოდა, თუმცა როგორც ჩანს მილანელების წინადადებაზე უკეთ ედ ვუდვორდს ტურინელების შეთავაზება მოეწონა.