ისედაც საკმაოდ მნიშვნელოვანი მატჩი ფეხბურთელთა შესაძლებლობების გამოვლენის მხრივ, დამატებით მნიშვნელობას იძენს, ვინაიდან დღეს ოლე გუნარ სოლსკიაერისთვის პირადი მიზეზებიც არსებობს.
ოლეს ვაჟი ნოა - ნახევარმცველი, რომლის მისაბაძი მაგალითიც მაიკლ კერიკია - დღეს "კრისტიანსუნის" შემადგენლობაშია და შესაძლოა, პირველი გუნდის რიგებში სადებიუტო მატჩიც ჩაატაროს. "რა თქმა უნდა, მისთვის განსაკუთრებული შემთხვევაა, რადგან პირველ გუნდთან ერთად ივარჯიშა რამდენიმე კვირა, ახლახან დააწინაურეს. ოპერაციების გაკეთების შემდეგ რამდენიმე რთული წელი გამოიარა და ახლა თავის დამკვიდრებას ცდილობს", - განაცხადა სოლსკიაერმა.
"კრისტიანსუნი" მხოლოდ 15 წლის კლუბი, რომელიც 2003 წლის სექტემბერში დაარსდა, როცა ორი მეტოქე "კრისტიანსუნ ფკ" და "კლაზენენგენ ფკ" გაერთიანდნენ. ნორვეგიის ჩემპიონატში საკმაოდ ამაღლდნენ და 2012 წლის შემდეგ ორი დივიზიონით მაღლაც ავიდნენ.
"ბოლო 15 წლის განმავლობაში ისინი ყოველწლიურად აუმჯობესებედნენ შედეგებს და უფრო და უფრო მაღლა მიიწევდნენ. ვფიქრობ, ყველასთვის განსაკუთრებული დღეა. თითოეული მათგანი ისე გამოვა ამ მატჩში, თითქოს შობის წინა ღამე იყოს".
როცა ოლეს ჰკითხეს, რა რეაქცია ექნებოდა, თუ მისი ვაჟი გოლს გაიტანა, ნორვეგიელი ტიპიურად თანმიმდევრული იყო:
"ყოჩაღ, თუ ამას შეძლებს, მაგრამ მის შესაჩერებლადაც ყველაფერი უნდა გავაკეთოთ".