მარკოს როხო "მანჩესტერ იუნაიტედიდან" წასვლაზე ფიქრობს, რადგან მიაჩნია, რომ კლუბი მას გარანტირებულ სათამაშო პრაქტიკას ვერ შესთავაზებს.

როხომ ოლე გუნარ სოლსკიაერის მოხიბლვა წინასასეზონო ტურნეზე ავსტრალიასა და შორეულ აღმოსავლეთში გამართული ვარჯიშებით მოახერხა და "ტოტენჰემთან" ჩატარებული პირველი ტაიმის ფონზე მწვრთნელმა განაცხადა, რომ როხომ თავისი შანსი გამოიყენა.

მაგრამ სოლსკიაერის გუნდში ექვსი ცენტრალური მცველი ჰყავს და ჯერ კიდევ ცდილობს "ლესტერიდან" ჰარი მაგუაიერის გადაბირებას.

როხო კი, რომელსაც კონტრაქტის მიხედვით სამი წელი აკავშირებს კლუბთან, თავის მომავალს განიხილავს და თუ მიიჩნევს, რომ სხვა კლუბში გადასვლის შედეგად უფრო მეტ სათამაშო დროს მიიღებს, ასეც მოიქცევა. მისით კი ფრანგული, ესპანური და იტალიური კლუბები ინტერესდებიან.

არგენტინელმა ფეხბურთელმა "ოლდ ტრაფორდზე" გატარებული პირველი სამი სეზონის განმავლობაში 95 მატჩი ჩაატარა, მაგრამ ტრავმების სიმრავლისა და მის პოზიციაზე მზარდი კონკურენციის ფონზე მან 2017-18 წლების სეზონის სტარტიდან მხოლოდ 14 პრემიერ ლიგურ შეხვედრაში მიიღო მონაწილეობა.

"იუნაიტედს" ფეხბურთელების შეძენა 8 აგვისტომდე შეუძლია, მაგრამ გაყიდვის უფლება 2 სექტემბრამდე აქვს, სანამ სატრანსფერო ფანჯარა იტალიაში, ესპანეთში, საფრანგეთსა და გერმანიაშიც არ დაიუხრება.

წყარო: espn