"მანჩესტერ იუნაიტედის" ყოფილი მცველი პატრის ევრა კარიერის დასრულების შესახებ აცხადებს.
38 წლის ევრა 20-წლიანი კარიერით შემოიფარგლა, რომლის განმავლობაშიც მან ითამაშა "ნიცაში", "მონაკოში", "იუნაიტედში", "იუვენტუსში", "მარსელში", "ვესტ ჰემსა" და საფრანგეთის ნაკრებში. "გულახდილად რომ ვთქვა, გადაწყვეტილება ადვილად მივიღე. თავს ღვთისგან დალოცვილად და ღმერთის მადლიერად მივიჩნევ ყოველდღე იმის გამო, რასაც მივაღწიე.
ამას რომ ვამბობ, ემოციურად გამომივა, მაგრამ კარიერის დასასრულებლად შესაფერი დრო იყო.
ჩემს ინსტინქტებს მივყევი და უბრალოდ გაჩერება მინდა.
38 წლის ვარ. ვიცი, რომ ჯერ კიდევ ახალგაზრდულად გამოვიყურები, მაგრამ ახალი თაობის დრო დადგა. ბედნიერი ვარ".
ფრანგის თქმით, სამწვრთნელო კარიერის დაწყებასა და UEFA A კატეგორიის სამწვრთნელო ლიცენზიის მისაღებად ვარჯიშობს, მაგრამ მანამდე ერთი წლით დაისვენებს ფეხბურთისგან.
"ჩემი სათამაშო კარიერა ოფიციალურად დასრულებულია. 2013 წელს UEFA-ს B კატეგორიის ლიცენზიაზე სწავლა დავიწყე, რაც უკვე დავასრულე და ახლა A კატეგორიის ლიცენზიის მიღება მსურს.
სერ ალექს ფერგიუსონმა თქვა, რომ მისი ორი ფეხბურთელისგან დიდებული მწვრთნელი დადგებოდა და მე და რაიან გიგზი გვიგულისხმა. ეს დიდი კომპლიმენტი იყო მისი მხრიდან.
არ მინდა, პირდაპირ გავყო ამაში თავი, ამიტომ მანამდე ტელევიზიასა და ჩემს ბრენდთან ერთად ვიმუშავებ.
მიყვარს ხალხის გაცინება და გაბედნიერება, მაგრამ როცა ვმუშაობ, მთლიანად სამუშაოზე უნდა ვკონცერტრირდე.
კიდევ ერთი წელი მჭირდება ცხოვრებისგან სიამოვნების მისაღებად სამწვრთნელო კარიერის დაწყებამდე ამდენი მსხვერპლის გაღების შემდეგ.
ვიცი, რომ ამას შევძლებ. საკუთარ თავს ახლა მთლიანად ვერც კი გამოვხატავ".