რომელუ ლუკაკუ "მანჩესტერ იუნაიტედს" ნორვეგიაში არ გაჰყოლია, სადაც ოლე გუნარ სოლსკიაერის გუნდი დღეს "კრისტიანსუნთან" თბილისის დროით 21 საათზე ამხანაგურ შეხვედრას გამართავს.

ლუკაკუ "იუნაიტედის" წინასასეზონო ტურნეზე ავსტრალიაში, სინგაპურსა და ჩინეთში იმყოფებოდა, თუმცა ოთხიდან არცერთ მატჩში არ მიუღია მონაწილეობა.

როგორც მედია იტყობინება, ბელგიელი მილანის "ინტერის" შეუმდგარი სატრანსფერო სამიზნე იყო და "იუნაიტედი" სერია A-ს კლუბს შეთანხმების მისაღწევად უკანასკნელ დღეებს უთვლის.

კვირას სოციალურ მედიაში გავრცელდა ფოტო, რომელიც 26 წლის ფეხბურთელსა და მის აგენტ ფედერიკო პასტორელოს ასახავდა წარწერით, "გაგრძელება მალე იქნება".

სწორედ იმავე დღეს გამოაქვეყნა "იუნაიტედის" ოფიციალურმა საიტმა ოსლოში მიმავალი გუნდის შემადგენლობა, სადაც ლუკაკუს გვარი არ იკითხებოდა.

ტრავმის მიღების შემდეგ ლუკაკუმ ერთადერთი ვარჯიში ჩაატარა დამოუკიდებლად "იუნაიტედის" ბოლო მატჩის წინა ღამეს.

გუნდთან ერთად არ იმყოფება მცველი ერიკ ბაიიც, რომელმაც ზემოხსენებულ შეხვედრაში "ტოტენჰემის" წინააღმდეგ მძიმე ტრავმა მიიღო.

წყარო: telegraph