სასიამოვნო ინფორმაციას ავრცელებს იტალიური პრესა "მანჩესტერ იუნაიტედის" გულშემატკივრებისთვის. როგორც Sky Italia- იუწყება, "წითელმა ეშმაკებმა" არამხოლოდ ჰარი მაგუაიერის ტრანსფერი შეათანხმეს "ლესტერიდან", არამედ ედ ვუდვორდმა შეთანხმებას ლისაბონის "სპორტინგთანაც" მიაღწია ბრუნო ფერნანდეშის შესყიდვის თაობაზე.
Sky Italia- ს ცნობილი ჯურნალისტი ჯანლუკა დიმარციო იუწყება: "მანჩესტერ იუნაიტედი" აქტიურად მუშაობს სატრანსფერი ფანჯრის დასკვნით ეტაპზე. მას შემდეგ რაც გუშინ მათ ჰარი მაგუაიერის ტრანსფერი შეათანხმეს, "წითელი ეშმაკები" ბრუნო ფერნანდეშის ტრანსფერის დასახურადაც ემზადებიან, "სპორტინგთან" მოლაპარაკებები დასკვნით ფაზაშია".
თუმცა BBC Sport- ის ჟურნალისტი საიმონ სტოუნი "იუნაიტედის" გულშემატკივრებს ურჩევს, რომ ეიფორიას არ აჰყვნენ რადგან ჰარი მაგუაიერის ტრანსფერზე შეთანხმება ამ დრომდე ჯერ არ მიღწეულა. პრობლემას "მელიების" მიერ მოთხოვნილი თანხა წარმოადგენს.
სთოუნი ასევე იუწყება, რომ ბრუნო ფერნანდეშის ტრანსფერი პრიორიტეტად "იუნაიტედმა" წინასასეზონო ტურნის დასაწყისში დაისახა, თუმცა მისი ტრანსფერი ჯერჯერობით არ შეთანხმებულა.
ახალი ამბები
10 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.