"მანჩესტერ იუნაიტედის" ფრანგი ნახევარმცველი პოლ პოგბა მადრიდული გრანდის რადარზე კვლავ აქტიურად იმყოფება. ფლორენტინო პერესს მკაცრად აქვს გადაწყვეტილი პოგბას სამეფო კლუბში ტრანსფერი.
ესპანური პრესა აქტიურად იუწყება იმის შესახებ, რომ ზიდანის გუნდიდან ბეილის წასვლის შემთხვევაში, "რეალი" ოლე გუნარ სოლსკიაერის გუნდს, პოლ პოგბას სანაცვლოდ კოლოსალურ 160 მილიონ ევროს შესთავაზებს.
დიდი ალბათობით უელსელი გარემარბი სეზონის დაწყებამდე ესპანეთს დატოვებს და კარიერას ჩინეთის ჩემპიონატში გააგრძელებს. ეს გარიგება ხელეწიფება ესპანურ გრანდს, რადგან მისი ტრანსფერის წარმატებით დასრულების შემთხვევაში, ჩინეთიდან შემოსული თანხა ავტომატურად პოლ პოგბას ტრანსფერს მოხმარდება.
თავის მხრივ "წითელი ეშმაკები" სათადარიგო კანდიდატურებს განიხილავენ. ედ ვუდვორდი პოგბას შემცვლელად ორ ნახევარმცველთან აწარმოებს მოლაპარაკებებს.
იტალიური "ლაციოდან" სერგეი მილინკოვიჩ-სავიჩი, ხოლო პორტუგალიური "სპორტინგიდან" ბრუნო ფერნანდეში, ეს იმ ფეხბურთელების სახელები და გვარებია რომლებიც პოგბას წასვლის შემთხვევაში ერთ ერთი ან ორივე ერთად მოირგებენ ინგლისური გრანდის მაისურს.
ჭორები
6 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.