მილანის "ინტერის" აღმსარულებელმა დირექტორმა ბეპე მაროტამ ჟურნალისტებთან საუბრისას განაცხადა, რომ ლუკაკუს ტრანსფერის ირგვლივ იტალიურმა მხარემ ქმედითი ნაბიჯები გადადგა, თუმცა მოლაპარაკებების წარმატებით დასრულება აქამდე ვერ ხერხდება.

"ჩვენ მზად ვართ ჩვენი შესაძლებლობებით ვისარგებლოთ, თუმცა მოთხოვნილი თანხა ძალიან მაღალია. სოლიდური წინადადება მოვამზადეთ და მეორე მხარეს შევთავაზეთ, ხოლ გარიგების წარმატებით დასრულება მაინც ვერ მოხერხდა. ვაგრძელებთ მდგომარეობის მონიტორინგს". - განაცხადა დასასრულს ბეპე მაროტამ.

ბოლო ინფორმაციით, "მანჩესტერ იუნაიტედს" იტალიელების მიერ შეთავაზებული სატრანსფერო თანხა არ მოსწონთ, მიუხედავად ამისა სპორტული ექსპერტები და სპორტული პრესა რომელუ ლუკაკუს კონტეს გუნდში გადასვლას მაინც უწინასწარმეტყველებს.

ლუკაკუმ გასულ სეზონში "იუნაიტედის" მაისურით 32 მატჩი ჩაატარა პრემიერ ლიგაში, საკუთარი აქტივი კი 12 გოლით შეავხო.