"როდესაც ფეხბურთის თამაში დავიწყე, მიმაჩნდა რომ 30 წელი ფეხბურთელისთვის - კარიერის პიკია. გამოვიდა, რომ 28 ან 29 წლის ასაკში შენი თამაშის შესაძლებლობები პიკს აღწევს, ხოლო შემდეგ კი დაბლა და დაბლა მიდიხარ. მე ეს ასაკი უკვე გადავლახე და თავს ძალიან კარგად ვგრძნობ. წლების შემდეგ თქვენ თქვენს ახალგაზრდა თანაგუნდელებზე პასუხისმგებლობა გეკისრებათ. თქვენ უნდა მისცეთ მათ სწორი არჩევანი, თუ როგორ იმოქმედონ მინდორზე ან მინდვრის გარეთ. ასეთი პასუხისმგებლობა იმაზე მიგვანიშნებს, რომ ეს განვითარების შედეგია. ამ კლუბში უკვე მეშვიდე სეზონს ვატარებ და დიდი გამოცდილებაც დავაგროვე." - განაცხადა მაიკლ კერიკმა thesun.co.uk-თან.
ასევე ამიკლმა აღნიშნა, რომ ისინი ყველა მატჩს დიდი პასუხისმგებლობით ეკიდებიან:"არავითარ შემთხვევაში არ უნდა ჩათვალოთ, რომ სატურნირო ცხრილის სათავეში ყოფნა, ტიტულს ადვილად მოვოვებას ნიშნავს. დიახ, ეს კარგი პოზიციაა, მაგრამ მხოლოდ ამ დროისთვის. ჩვენ წარმატებით გავიარეთ საშობაო პერიოდი და ახლა შემდეგ ეტაპზე ვართ. წინა სეზონმა ბევრი რამ გვასწავლა. ჩვენ ზოგიერთ თამაშს არასწორად ვუდგებოდით."
ასევე კერიკმა ისაუბრა რობინ ვან პერსიზე:"ჩვენ ვიცოდით, რომ ის კარგი მოთამაშე იყო, როდესაც შევიძინეთ. მაგრამ, როდესაც ის ვარჯიშებზე დავინაეთ, მივხვდით, რომ ის უფრო კარგია ვიდრე გვეგონა. მან ჩვენზე დიდი გავლენა მოახდინა. საქმე მარტო მის შედეგს არ ეხება, საქმე მის პირადულობას და ხასიათსაც ეხება. ვფიქრობ, რომ ყოველი მოთამასე, რომელიც ამ კლუბში თამაშობს, ცდილობს რაღაც მაინც ისწავლოს მისგან. "იუნაიტედის" ახალ თაობას დიდი სურვილი აქვს გამარჯვების."