ანტონიო ვალენსიას წასვლის შემდეგ ოლე გუნარ სოლსკიაერი ახალი ლიდერის ძიებაში და საკუთარ კანდიდატურას მეკარე სთავაზობს.

დავიდ დე ხეა აღნიშნავს, რომ მოხარული იქნებოდა "მანჩესტერ იუნაიტედის" კაპიტნად თუ დაასახელებდნენ და ტიტულების მოსაგებად ბრძოლისთვისაც მზად არის.

ესპანეთის ნაკრების მეკარე ბოლო რამდენიმე თვის განმავლობაში აწარმოებდა მოლაპარაკებებს "ოლდ ტრაფორდის" მკვიდრებთან და როგორც მოსალოდნელია, თავის მომავალს "იუნაიტედს" დაუკავშირებს.

ანტონიო ვალენსიას კლუბიდან წასვლის შემდეგ კი ოლე გუნარი ახალ კაპიტანს ეძებს და დე ხეას სურს, რომ ის აირჩიონ ამ როლზე.

კვირას საღამოს სინგაპურელი გულშემატკივრებისთვის გამართულ წვეულებაზე საუბრისას 28 წლის მეკარემ განაცხადა: "რამდენიმე მატჩში ვუკაპიტნე გუნდს. რა თქმა უნდა, "მანჩესტერ იუნაიტედის" მსგავსი კლუბის კაპიტნობა და ამ გერბის დაცვა საოცრებაა.

რა თქმა უნდა, ძალიან, ძალიან ბედნიერი ვიქნები, თუ მე გავხდები კაპიტანი. ეს ჩემი მეცხრე სეზონია აქ და თავს ერთ-ერთ ყველაზე გამოცდილ მოთამაშედ ვგრძნობ.

მინდა, რომ ეს მოედანზეც გამოვხატო და ახალგაზრდებს ვუჩვენო, რას ნიშნავს "მანჩესტერ იუნაიტედი".

ჟოზე მოურინიოს ხელმძღვანელობით აღებული ცუდი სტარტის შემდეგ, რამაც პორტუგალიელს სამუშაო დააკარგვინა, სოლსკიაერმა გუნდი მეექვსე ადგილზე გაიყვანა და მეოთხე ადგილოსან "ტოტენჰემს" 5 ქულით ჩამორჩა.

"წითლებმა" ვერც სათასო ტურნირებზე ისახელეს თავი და ჩემპიონთა ლიგაზე მეოთხედფინალური ეტაპიდან გავარდნენ "ბარსელონას" მატჩში.

დე ხეა რამდენიმე გაშვებულ გოლში იყო დამნაშავე და მისი უშუალო მონაწილეობით გავიდა "იუნაიტედის" კარში "ჩელსისთან" მატჩში მნიშვნელოვანი გოლი, რამაც რეალურად დაასრულა "წითლების" იმედები ოთხეულში მოხვედრაზე.

"ჩვენ ბევრი რამ გვაქვს გასაუმჯობესებელი. ჩვენ "მანჩესტერ იუნაიტედი" ვართ და ტიტულებისთვის უნდა ვიბრძოდეთ. როცა ამ გერბს ირგებ, ხვდები რასაც ნიშნავს - ყველაფრისთვის ბრძოლა, მაქსიმუმის გაკეთება და გუნდის მწვერვალზე დაბრუნება", - დაასრულა ესპანელმა.

წყარო: goal.com