თბილისი:
მანჩესტერი:
22-07-2019, 23:24
ავტორი: RojoDiablo,
ნანახია: 1731,
კომენტარები: 5
"იუნაიტედი" ორმაგი დატვირთვით ვარჯიშობს
გუნდი ფიზიკურ მზადყოფნაზე გააკეთებს აქცენტს.
ტურნეზე გატარებული პირველი ორი კვირის განმავლობაში "მანჩესტერ იუნაიტედის" შტაბის მიერ შეგროვილი სტატისტიკური მონაცემები ერთ რამეს ცხადყოფს.

მაღალი ინტენსივობის ვარჯიშები, რომლითაც პერტსა და სინგაპურში ფეხბურთელები კავდებოდნენ, 50 პროცენტით უფრო რთული და შედეგიანია, ვიდრე ჟოზე მოურინიოს პერიოდში სეზონის ამავე ეტაპზე გამართული სამუშაოები.

სწორედ ამას გულისხმობდა ოლე გუნარ სოლსკიაერი, როცა საუბროდა უკეთეს ფორმაში მყოფი, უფრო ძლიერი "იუნაიტედის" შესახებ. შემადგენლობა, რომელმაც მისი სათამაშო გეგმები უნდა განახორციელოს.

შეგრძნება - ზოგიერთი იტყვის, რომ იმედი - "იუნაიტედში" ისეთია, რომ მიაჩნიათ, მოურინიოს წასვლის შემდეგ დეკემბერში ნაჩვენები შედეგების უკან სწორედ სოლსკიაერის მიდგომა დგას, ხოლო სეზონის დასასრულს ცუდი შედეგები კი ფეხბურთელთა ფიზიკური სისუსტის ბრალია.

თებერვალში "ლივერპულთან" უგოლო მატჩი ნათელი ასახვა იყო იმისა, რა რთულ მდგომარეობაში იმყოფებოდა გუნდი, ვინაიდან ხუან მატამ, ანდერ ერერამ და ჯესი ლინგარდმა ერთად მიიღეს ტრავმა პირველივე ტაიმში.

სოლსკიაერი იძულებული შეიქნა, თავისი მიდგომა შეეცვალა და "იუნაიტედი" მას შემდეგ აღარ ყოფილა ასეთ მდგომარეობაში.

"იუნაიტედი" ორმაგი დატვირთვით ვარჯიშობს


კერძოდ, ოლე გუნარი სწუხდა გუნდის მდგომარეობაზე, რაც დატოვა მოურინიომ, რომელიც თავის მხრივ ყველაფერ ამაში ფიტნეს-მწვრთნელ სტეფანო რაპეტის ადანაშაულებდა. ამის შესახებ ნორვეგიელმა საჯაროდან განაცხადა.

"ჯერ კიდევ მახსოვს, რომ კიბეებზე ჩასვლაც კი არ შემეძლო, ოთხზე დავდიოდი. არა მგონია, აქ ასე ხდებოდეს", - განაცხადა "იუნაიტედის" მწვრთნელმა, როცა სერ ალექს ფერგიუსონის პერიოდის წინასასეზონო ტურნე გაიხსენა.

შესაძლოა, ასეც იყოს, მაგრამ მომატებული ინტენსივობის ვარჯიშების შედეგი ის არის, რომ გუნდი უკეთესად თამაშობს პრესინგზე და ბურთითაც უკეთ მოძრაობს.

ეს კარგად გამოჩნდა მილანის "ინტერთან" მოგებულ შეხვედრაში. ახალგაზრდა მეისონ გრინვუდმა მთლიანად მიიპყრო მედიის ყურადღება თავისი გამარჯვების გოლით, მაგრამ სოლსკიაერი იმითაც იყო მოხარული, რაც მისმა გუნდმა სამუშაო ეთიკაში გამოავლინა.

"იუნაიტედი" ორმაგი დატვირთვით ვარჯიშობს


მწვრთნელს იმედი აქვს, რომ თავისი ფეხბურთელების უჩვეულოდ მძიმე დატვირთვა თავის შედეგებს გამოიღებს.

ვარჯიშის სხვა ელემენტები გაუმჯობესდა წინა სეზონთან შედარებით, რაც უკვე ათლეტური ვარჯიშების ხელმძღვანელის, რიჩარდ ჰოუკინსის დამსახურებაა.

გარდა ამისა, საერთო ჯამშიც გაცილებით მეტი სესია ჩატარდა. აუსტრალიაში გატარებული 9 დღის განმავლობაში ფეხბურთელები 14-ჯერ გამოვიდნენ სავარჯიშოდ, ერხელ კი ფეხბურთი ითამაშეს "პერტ გლორის" წინააღმდეგ.

მწვრთნელების, სპორტული მეცნიერებისა და ანალიტიკოსების მიერ შედგენილი სტატისტიკის თანახმად, ფეხბურთელების მიერ დაფარული მანძილი 10%-ით გაიზარდა წინა შედეგებთან შედარებით.

"იუნაიტედი" ორმაგი დატვირთვით ვარჯიშობს


ფეხბურთელები ხშირად არიან დაკავებულნი სპორტდარბაზის სავარჯიშოებით, რათა სხეული კიდევ უფრო გაიჯანსაღონ და მონაწილეობენ ტრავმის თავიდან არიდების სესიებშიც, რაც ყოველდღიურად ბარძაყზე, მყესსა და კოჭზე მუშაობას გულისხმობს.

პერტში გატარებული მძიმე 10 დღის შემდეგ "იუნაიტედმა" სინგაპურში გამართა ერთი შეხვედრა, საიდანაც უკვე შანხაიში გადაფრინდა ხუთშაბათს ჩასატარებელი მატჩისთვის.

უფრო დიდი გამოწვევა პრემიერ ლიგის დაწყებასთან ერთად გამოჩნდება, მაგრამ ზედიზედ სამი მოგება მაინც ნიშნავს იმას, რომ შრომას ნაყოფი გამოაქვს.

წყარო: dailymail
ახალი ამბები
5 კომენტარი
№1
ავტორი: Svani
22 ივლისი 2019 23:41
  • სიახლეები: 1398
  • კომენტარები: 2855
წელს პრემიერ ლიგა უნდა დავდოთ ))
3
№2
ავტორი: ikeoni
23 ივლისი 2019 00:39
  • სიახლეები: 0
  • კომენტარები: 8237
ციტატა: Svani
წელს პრემიერ ლიგა უნდა დავდოთ ))

ბრუნო და პეპე მოვიყვანოთ და უეჭველი ჩვენია არა ისედაც მაგრამესე უფრო ფაიზაღი იქნება:))
3
№3
ავტორი: bero123
23 ივლისი 2019 01:32
  • სიახლეები: 0
  • კომენტარები: 273
პეპეს ყიდვის ფავორიტი იყო ლივერპული და როგორც დაწერეს ლივერპული ტრანსფერებს არ გააკეტებსო და ძალიან მაგარი შანსი აქ რო პეპე დაითრიონ
2
№4
ავტორი: SANDROGRIGA
23 ივლისი 2019 13:20
  • სიახლეები: 1
  • კომენტარები: 8330
რაც იარეს სირბილის მაგივრად, ეყოთ. :))
1
№5
ავტორი: mishiko1
23 ივლისი 2019 22:34
  • სიახლეები: 0
  • კომენტარები: 228
ბრუნო გვინდა უეჭველად, პოგბა თუ წავიდა ალბად სავიჩით შეცვლიან.
0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.

ავტორიზაცია

მომდევნო მატჩები

20 ივნისი 2020, 18:00
ტოტენჰემი
იუნაიტედი
პრემიერ ლიგა
27 ივნისი 2020, 18:00
იუნაიტედი
შეფილდი
პრემიერ ლიგა
30 ივნისი 2020, 22:45
ბრაიტონი
იუნაიტედი
პრემიერ ლიგა
ტოტენჰემი20 ივნისი
შეფილდი27 ივნისი
ბრაიტონი30 ივნისი

შემოგვიერთდი

წინა მატჩები

12 მარტი 2020, 21:55
ლასკი0
იუნაიტედი5
ევროპა ლიგა
8 მარტი 2020, 20:30
იუნაიტედი2
სიტი0
პრემიერ ლიგა
5 მარტი 2020, 23:45
დერბი0
იუნაიტედი3
ინგლისის თასი
ლასკი12 მარტი
სიტი8 მარტი
დერბი5 მარტი

შემოგვიერთდი

პრემიერ ლიგა

ჩამოშლა
ყველა უფლება დაცულია

© MANUTD.GE 2012

Top