"მანჩესტერ იუნაიტედის" მთავარი მწვრთნელი სერ ალექს ფერგიუსონი იმედოვნებს, რომ გუნდის საუკეთესო ბომბარდირი შეძლებს ჩემპიონთა ლიგის 1\8 ფინალში "მადრიდის რეალთან" გასამართ მატჩში მონაწილეობის მიღებას, მიუხედავად ტრავმისა, რომელიც პერსიმ "ქუინზ პარკთან" მიიღო. ჰოლანდიელმა ფორვარდმა პირველი ტაიმის დასრულებამდე დატოვა მოედანი. მიუხედავად ამისა გუნდმა "რეინჯერებს" დამაჯერებლად, ანგარიშით 0-2 მოუგო. რობინმა ტრავმა "იუნაიტედის" პირველი გოლის დროს მიიღო, როდესაც მოედნაზე ცუდად დაეცა. ახლა ჰოლანდიელმა სამედიცინო გამოკვლევა უნდა გაიაროს, თუმცა ფერგიუსონი დარწმუნებულია, რომ გუნდის ერთ-ერთი ლიდერი 5 მარტს "რეალთან" თამაშს შეძლებს. "პირველი გოლის დროს რობინი კამერას შეეჯეხა და ბარძაყი დაიზიანა. მიუხედავად ამ მცირე დაზიანებისა დარწმუნებული ვარ, რომ ის შეძლებს "რეალთან" თამაშს." - განაცხადა სერ ალექსმა.