"წითელი ეშმაკების" ნორვეგიელმა სპეციალისტმა ოლე გუნარ სოლსკიაერმა ჟურნალისტებისთვის მიცემულ ინტერვიუში განაცხადა, რომ თანამედროვე ფეხბურთელებმა უნდა ისწავლონ პასუხისმგებლობის საკუთარ თავზე არება და უნდა აჩვენონ ის ხასიათი რაც ამისათვისაა საჭირო ეს ყველაფერი იმისათვის, რომ "იუნაიტედი" ძველ გზას დაუბრუნდეს.
მისი აზრით, ზოგიერთი მოთამაშე საკუთარი სოციალური გვერდების მდგომარეობაზე უფრო ღელავს ვიდრე კლუბზე, სადაც ის თამაშობს. სოლსკიაერის აზრით ეს თანამედროვე კომფორტულმა ცხოვრებამ გამოიწვია.
"მე არ შემიძლია მათ ეს ყველაფერი კოვზზე დავუდო, ფეხბურთელებმა საკუთარ თავს ეს თავად უნდა შთააგონონ. მე ვარ კაცი ძველი სკოლიდან, რომელიც სერიოზულად აფასებს დისციპლინას და თვითრეგულაციას.
მე დიდი ხანია ვარ ამ კლუბში და ყოველთვის ვხედავდი, თუ როგორი ხასიათით აღწევდნენ ფეხბურთელები აქ წარმატებებს. თუ აქ თამში გსურს ძლიერი ხასიათის გამოვლინება უნდა შეგეძლოს. ეს არ არის ისეთი რამ რომ მე ვუთხრა მოთამაშე `A-ს პასი გადასცეს მოთამაშე `B-ეს, ან მოთამაშე B-ემ მოთამაშე `G-ეს, მათ თავად უნდა მიიღონ სწორი გადაწყვეტილებები და ზოგადად ასეა ცხოვრებაშიც.
ჩემი თაობის ბევრ მწვრთნელთან მისაუბრია და ჩვენ ყოველთვის მივდიოდით იმ დასკვნამდე, რომ ასეთი ცვლილებების მიზეზი ზოგადი სოციუმია. ახლა გაცილებით ნაკლებია ისეთი ფეხბურთელები როგორიც რობსონი და კინი იყვნენ, არამხოლოდ ინგლისში, ნორვეგიაშიც მსგავსი მდგომარეობაა, ჩვენ კომფორტში ვართ, ცხოვრება კომფორტული გახდა.
მაშინ, როდესაც უბრალოდ აკადემიის ფეხბურთელი ხარ, შენ გამოიმუშავებ ბევრ ფულს და ფიქრობ: მორჩა, მე მივაღწიე ყველაფერს!. მე ვთამაშობდი როი კინთან ერთად და ვფიქრობ რომ მსოფლიოში ნებისმიერი მწვრთნელი გეტყვით რომ მისნაირი ლიდერი მსურს გუნდში.
"სიტიში" მსგავსი სიტუაცია იყო როდესაც მათ კომპანი ჰყავდათ, ვინ იცის რამ შეიძლება გამოიწვიოს ეს? ის ფანტასტიკური ადამიანი იყო, მოთამაშე და ლიდერი, საჭიროა მისი ადგილი დაიკავოს ვინმემ. იგივე უნდა გააკეთონ მოთამაშეებმა ჩვენს გუნდში". - ციტირებს The Mirror- სოლსკიაერის სიტყვებს.
ინტერვიუები
10 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.