"ინტერის" სპორტული დირექტორი პიერო აუსილიო აცხადებს, რომ სერია A-ს კლუბმა "მანჩესტერ იუნაიტედს" რომელუ ლუკაკუს შეძენის თაობაზე ოფიციალური შეხვედრა გამართა.

ბელგიელი ფორვარდი ერთ-ერთი მთავარი სატრანსფერო სამიზნეა "ინტერისთვის", რომელმაც ინგლისში ოფიციალური წარმომადგენლები გაგზავნა შეთანხმების მიღწევის მიზნით.

თავად ფეხბურთელი კი საჯაროდ გამოვიდა და განაცხადა, რომ "ოლდ ტრაფორდის" დატოვება სურს, ვინაიდან მომდევნო სეზონში ოლე გუნარ სოლსკიაერის პირველი არჩევანი არ იქნება.

"ინტერის" ახალი მწვრთნელი ანტონიო კონტე კი ლუკაკუს შეძენას ჯერ კიდევ "ჩელსიში" მუშაობის დროს აპირებდა და ახლაც მყარად აქვს გადაწყვეტილი მიზნის მიღწევა.

ლუკაკუ, რომელიც "წითელ ეშმაკებს" 2017 "ევერტონიდან" 75 მლნ. ფუნტის სანაცვლოდ შეუეთდა და რომელსაც 2022 წლამდე აკავშირებს მოქმედი კონტრაქტი, პრემიერ ლიგის გრანდისთვის ფულის შოვნის იმედია, თუმცა "ინტერი" მისი იჯარით აყვანის საშუალებაზე მუშაობს.

ხუთშაბათს მილანში დაბრუნებული აუსილიო ჟურნალისტებს გაესაუბრა: "მანჩესტერ იუნაიტედს" ლუკაკუს თაობაზე შევხვდით. ეს იყო ოფიციალური შეხვედრა ორ დიდ კლუბს შორის. ვნახოთ, რა მოხდება. თითოეული ფეხბურთელი, რომელთა შეძენაც გვსურს, ანტონიო კონტეს სამიზნეებს წარმოადგენენ. გვსურს, მისი მოთხოვნილებები გარკვეული ფინანსური პარამეტრების გათვალისწინებით დავაკმაყოფილოთ".

წყარო: goal.com