"მანჩესტერ იუნაიტედის" ფრანგი ნახევარმცველის პოლ პოგბას აგენტი მინო რაიოლა, ჟურნალისტებისთვის მიცემულ ინტერვიუში აცხადებს, რომ მის კლიენტს "ოლდ ტრაფორდის" დატოვება აქვს გადაწყვეტილი.
"ყველამ იცის, რომ პოლის სურვილები ცვლილებებშია. ჩვენ ამ ყველაფერზე ვმუშაობთ. ასევე ყველამ იცის რას გრძნობს პოგბა. უკლებლივ ყველამ, კლუბის მფლობელებიდან დაწყებული მწვრთნელამდე დამთავრებული ყველას მოეხსენება მისი სურვილების შესახებ.
არ შემიძლია იმის თქმა გაყვება თუ არა პოგბა ტურნეზე "იუნაიტედს, ვცხოვრობ მხოლოდ დღევანდელი დღით". - განაცხადა მინო რაიოლამ The Times- ისთვის მიცემულ ინტერვიუში.
სპორტული გამოცემების ცნობით, 26 წლის პოლ პოგბასთვის ყველაზე აქტიურად ტურინის "იუვენტუსი" და მადრიდის "რეალი" იბრძვიან.