ბელგიელი ფეხბურთელის აგენტმა კონკრეტული ვითარების შესახებ ისაუბრა.
მილანის "ინტერი" ყველაფერს გააკეთებს იმისათვის, რომ "მანჩესტერ იუნაიტედიდან" რომელუ ლუკაკუ შეიძინოს, მაგრამ შექმნილი ვითარება საკმაოდ რთული და დაძაბულია.
სერია A-ს კლუბი სეზონის დასრულებიდანვე ცდილობს ბელგიელი ფორვარდის გადაბირებას, მაგრამ კლუბები ვერ ახერხებენ ფასზე შეთანხმებას.
გასულ თვეში მედიასაშუალებებმა გვაუწყეს, რომ "ინტერმა" პირადი კონტრაქტის დეტალები შეათანხმა ლუკაკუსთან და 26 წლის ფეხბურთელმაც საჯაროდ განაცხადა, რომ ტრანსფერის განხორციელება სურს.
თუმცა, გადაუჭრელ პრობლემად რჩება ღირებულება, რადგან "იუნაიტედს" "ევერტონის" ყოფილ ფეხბურთელში დაახლოებით 80 მლნ. ფუნტის მიღების იმედი აქვს და არც რაიმე სახის გაცვლაზეა თანახმა, რასაც "ინტერი" სთავაზობს.
ფეხბურთელის აგენტი ფედერიკო პასტორელო "ინტერის" ხელმძღვანელობას ოთხშაბათს შეხვდა, სადაც "სქაი იტალიის" ცნობით, იტალიურმა კლუბმა ერთწლიანი საიჯარო შეთანხმების შესახებ მიმართა სამომავლოდ 70 მლნ. ევროს სანაცვლოდ გამოსყიდვის პერსპექტივით.
პასტორელო ნაკლებად სპეციფიური იყო, როცა იმავე გამოცემასთან საუბრობდა:
"უბრალოდ ვისაუბრეთ. კლუბის დირექტორ ველაპარაკება, რათა გამეგო, რამდენად ძლიერ სურდათ ფეხბურთელი. ისინი გადაწყვეტილებას მალე მიიღებენ, დროის ჩარჩოში ვერ მოვაქცევთ.
ცხადი მხოლოდ ის არის, რომ თუ "ინტერს" ფეხბურთელი სურს, ამისთვის უნდა იმოქმედოს კიდეც.
"ინტერი" სერიოზულად ცდილობს მის შეძენას და ამისთვის ყველაფერს აკეთებს, მაგრამ მიზნებს ყოველთვის ვერ ვაღწევთ, ეს კი სწორად დასახული მიზანია. საბოლოოდ მაინც რთულად განსახორციელებელი ოცნებაა".ლუკაკუ უკვე დაბრუნდა არდადეგებიდან და "წითლებთან" ერთად წინასასეზონო მზადების პროცესშია ჩაბმული, ასე რომ, პასტორელო მართალია, "ინტერს" დრო ეწურება.
წყარო:
metro