"მანჩესტერ იუნაიტედმა" ნემანია ვიდიჩს 23-წლამდელთა გუნდის მთავარი მწვრთნელის პოსტი შესთავაზა.
37 წლის ფეხბურთელმა "ოლდ ტრაფორდზე" ჯამში 9 სეზონი გაატარა, რომლის განმავლობაშიც ხუთჯერ მოიგო პრემიერ ლიგა, ერთხელ ჩემპიონთა ლიგა და საკლუბო მსოფლიო ჩემპიონატი სხვა ტიტულებთან ერთად.
ვიდიჩმა თავისი სამწვრთნელო სწავლება დაასრულა და UEFA პროლიცენზია მიიღო 2018 წლის იანვარში, მაგრამ ყოფილი მცველი ჯერჯერობით კლუბის გარეშეა.
მაგრამ სერბ ფეხბურთელს ახლა თავის ყოფილ კლუბში დაბრუნების შანსი აქვს "იუნაიტედის" 23-წლამდელთა გუნდიდან რიკი სბრაგიას წასვლის შემდეგ.
ნემანიას ახლო მეგობარმა ნენად ლაიატოვიჩმა "ელტა ტივისთან" ინტერვიუში განაცხადა: "მან "მანჩესტერ იუნაიტედის" 23-წლამდელთა გუნდის მწვრთნელის პოსტზე შეთავაზება მიიღო.
ვუთხარი, რომ მისთვის იდეალური ვარიანტი იყო კარიერის დასაწყებად, მაგრამ ჯერ გადაწყვეტილება არ მიუღია.
ვიდა ამჟამად მილანშია და ფიქრობს, საერთოდ გახდეს თუ არა მწვრთნელი. ვუთხარი, რომ ინგლისში დაბრუნებისთვის იდეალური შანსი მიეცა, ერთხელაც მანჩესტერს ჩააბარებენ, ის ხომ მსოფლიოს საუკეთესო მცველია.
სულ იმას ვეუბნები, რომ შეთავაზებას დათანხმდეს, შემდეგ კი "მანჩესტერ იუნაიტედში" დაბრუნდება, სადაც მისი ადგილია".