"მანჩესტერ იუნაიტედის" მთავარმა მწვრთნელმა სერ ალექს ფერგიუსონმა განაცხადა,რომ მიმდინარე სეზონში ჩემპიონთა ლიგაზე ძალაინ დიდი კონკურენცია,მისი აზრით დორტმუნდის "ბორუსია" ემზადება დიდი სიურპრიზებისთვის.შოტლანდიელმა სპეციალისტმა განაცხადა,რომ ჩემპიონთა ლიგის 1/8 ფინალურ პირველ ეტაპზე "მილანსმა" და "ბავარიამ" თავისი ხასიათი უჩვენა თავიანთ მეტოქეს,თუმცა სერ ალექს ფერგიუსონი მიიჩნევს,რომ წელს ყველაზე დიდი შანსი ტიტულის მოსაპოვებლად დორტმუნდის "ბორუსიას" აქვს.
"ჩემი აზრით "ბაიერნი" ყოველთვის არის ფავორიტი ჩემპიონთა ლიგის,ისინი ყოველთვის ეფექტურ და სანახაობრივ ფეხბურთს თამაშობენ.წინა სეზონში მათ შეეძლოთ ჩემპიონთა ლიგის მოგება,მაგრამ ლონდონის "ჩელსმა" თასი ხელიდან გამოსტაცა.წელს ისინი გაძლიერდნენ,შეიძინეს ბევრი ისეთი ფეხბურთელი,რომლებიც დაეხმარება გუნდს ჩემპიონთა ლიგის მოგებაში,მაგრამ მე ვთვლი,რომ ჩემპიონთა ლიგის მოგების დიდი შანსები აქვს "დორტმუნდს".ჩემი აზრით მათი მთავარი მიზანი არა გერმანიის ბუნდესლიგის ტიტულის მოპოვება,არამედ ევროტურნირებზე წარმატებით ასპარეზობა არის.ვთვლი,რომ მათ ნამდვილად შესწევთ ძალა ამ ტიტულის მოსაპოვებლად.. - განაცხადა სერ ალექსმა.
"უკანასკნელი რამოდენიმე წლის განმავლობაში "მილანი" ხშირად ხდება კატალონიური "ბარსელონას" მეტოქე,მაგრამ მათ არასოდეს უჩვენებიათ კატალონიური კლუბის წინააღმდეგ ისეთი თამაში,რომელიც ეხლა აჩვენეს.ისინი მოედანზე ყოველთვის თავდაჯერებულნი გამოდიან და არაფრის ეშიანიათ,ამის გარდა იტალიური კლუბი დაკომპლექტდა ახალგაზრდა მოთამაშეებით,მაგრამ მათ ჰყავთ რამოდენიმე ძალიან გამოცდილი ფეხბურთელი მაგალითად ამბროზინი."
"ჩვენ წინ დიდი ბრძოლა გველოდება "რეალ მადრიდის" წინააღმდეგ.მიმდინარე სეზონში კონკურენცია ძალიან დიდია,იმედი მაქვს ჩვენ წარმატებით ვიასპარეზებთ ჩემპიონთა ლიგაზე.ჩვენმა ფეხბურთელებმა იციან,რომ წინ დიდი თამაშები ელოდებათ და ისინი მზად არიან ყველანაირი ბარიერის გადალახვისთვის." - დაასრულა სერ ალექსმა.